O IEM di NON AOS PARQUES EOLICOS na Serra da Groba e no Galiñeiro

Sete parques eólicos proxectados na Serra da Groba e a Serra do Galiñeiro.

Desde o IEM presentamos esta simulación 3D en QGIS elaborada respectando as proporcións entre a paisaxe e as infraestructuras previstas.

Non aparecen aínda representadas as dotacións requeridas de vias, pistas, esplanacións para a montaxe, movementos de terras, enerxía e comunicacións... que aínda non están dispoñibles ao público.

Destacamos os núcleos de poboación afectados, de Sur ao Norte: O Rosal, Portecelo, San Xián, Oia, Mabia, Santa Comba, Loureza, Burgueira, Bonaval, Torroña, Pedornes, Viladesuso, Mougás, Vilachán do Monte, Pinzás, As Mariñas, Baredo, Baíña, Baiona, Belesar, A Granxa, Sabarís, San Cibrán, A Ramallosa, Gondomar, Nigrán, Chaín, Morgadáns, Prado, Vincios, Parada, Mosende, Herville, Zamáns, Valadares, O Porriño, Mos e Vigo.

A ubicación dos 57 aeroxeradores, as 5 torres meteorolóxicas e as 4 subestacións responde exactamente ás posicións xeoreferenciadas no Rexistro Eólico de Galicia (servizo ArcGIS da Xunta de Galicia). Os aeroxeradores 3D están escalados para o modelo VESTAS V-162 5,6MW-119 (199m de altura e 162m de diámetro) previsto para o P.E. ROSAL (DOG 27/11/2020)

Modelo Dixital do Terreo: Centro Nacional de Información Xeográfica, MDT02 con paso de malla de 2 metros. Escala vertical 1.0 (sen distorsión da altitude) e campo de visión de 45º (sen distorsión de cámara).

- Textura: Imaxe Satélite anterior ós lumes do verán de 2006 (Serra da Groba) e outubro de 2017 (Serra do Galiñeiro), Ortofoto Bing.

- Augas, pozas, ríos e regueiras: Rede Fluvial 2019 ampliando ata as nacentes. Representación aproximada da orixe natural das augas combinando MTD02 hillsade, curvas de nivel e diferentes ortofotos.

- Etiquetas das entidades de poboación e algúns puntos recoñecibles para facilitar a orientación no 3D.

- Representado en vermello o Camiño de Santiago da costa, Plan Básico Autonómico do 2020.