YAP nümayəndələri Fəxri xiyabanda ulu öndər Heydər Əliyevin məzarını ziyarət ediblər

Dekabrın 12-də Yeni Azərbaycan Partiyasının (YAP) nümayəndələri müasir müstəqil Azərbaycan dövlətinin memarı və qurucusu, xalqımızın ümummilli lideri Heydər Əliyevin vəfatının 19-cu ildönümü ilə əlaqədar Fəxri xiyabanda Ulu Öndərin xatirəsini yad edib, məzarı önünə əklil və gül dəstələri qoyublar.

Görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.

Azərbaycanın müstəqil dövlət kimi inkişafı və tarixi uğurlar qazanması ümummilli lider Heydər Əliyevin titanik fəaliyyəti, məqsədyönlü siyasəti və əbədiyaşar ideyaları ilə bağlıdır. Xalqımız qarşısında misilsiz xidmətlər göstərən Ulu Öndər ölkəmizin müstəqillik yolunda inkişafına nail olaraq yeni Azərbaycan reallığını yaratmışdır. Bu gün qüdrətli və qalib Azərbaycan Prezident, Yeni Azərbaycan Partiyasının Sədri İlham Əliyevin rəhbərliyi ilə Heydər Əliyevin zəngin siyasi irsi əsasında tərəqqi və Zəfər yolunda inamla irəliləyir, yeni-yeni nailiyyətlərə imza atır.

[aygunmaniyeva]

Azərbaycan tarixinin ən parlaq siması, böyük şəxsiyyət Heydər Əliyev hər zaman hörmətlə anılacaq.

[esmirasixli]

Azərbaycanın dahi, unudulmaz ümummilli lideri Ulu Öndər Heydər Əliyevə Allahdan rəhmət diləyirik!

[aygunmaniyeva]

Ulu Öndər Heydər Əliyev həmişə ürəklərdə yaşayacaq

[anverhakverdi]

Heydər Əliyev haqqında keçmiş zamanda danışmaq mümkünsüzdür. Bu gün əldə etdiyimiz qələbələrin, zəfərlərin, mötəbər uğurların banisini Azərbaycan xalqı hər zaman qəlbində minnətdarlıq hissi ilə yaşadacaqdır.

[vugarsemenderoglu]

Ulu Öndər Heydər Əliyevinin vəfatının 19-cü ildönümü ilə əlaqədar Fəxri Xiyabanda Ümummilli Liderin əziz xatirəsini dərin hörmət və ehtiramla yad etdik. Həmçinin görkəmli oftalmoloq-alim, akademik Zərifə Əliyevanın da xatirəsi yad edildi, məzarı üzərinə gül dəstələri düzüldü. Allah rəhmət eləsin! Əziz ruhları qarşısında ehtiramla baş əyirəm!