Tələt Babayev - Günahlarım (Güldiyar Zülfüqar)

Müəllif: Tələt Babayev
Şeir: Günahlarım
musiqi: Eric Serra - Flicking Through Time (Lucy OST)
İfa: Güldiyar Zülfüqar
--------------------------------------
Şeir və ya qəzəlinizi səsləndirməyimizi istəyirsinizsə,bu ünvana bir şəkiliniz və yazdığınız şeiri göndərin:
------------------------------------------
Mən bir günahkar bəndəyəm.
Anlamadan günah edən fəqir bəndə.
Günah etmək alnımıza yazılıbmı..?
Yoxsa iblis,şeytan gəlib bəndələri salıb bəndə..?
Hər dəfə günah edəndə tapılmayır bəraətim, izahlarım.
Günahlarım, günahlarım.

İstəyini duymadıqca bizi sevən Tanrımızın..
Qanayacaq, qövr edəcək hər yarası bağrımızın.
Günahkarı kimdir görən ağrımızın,acımızın..?
Səbəbini Tanrı bilir.
Özümə də yetişəydi bu fəryadlarım, ahlarım.
Günahlarım, günahlarım.

Tanrı özü xəlq edibsə Həvvaları, Adəmləri..
Tanrı özü göndəribsə ölümləri, matəmləri..
Demək, hər gün döyüşdədir dünyamızın qəm ləşkəri.
Ləşkərin önündə isə günah adlı ələmdarım.
Günahlarım, günahlarım.

Allah, bizdən əsirgəmə öz rəhmini, diqqətini.
Sən böyüksən. Yenidən yaz bəndələrin qismətini.
Dərgahına əl açmışam.. bir də göstər qüdrətini.
Kaş günahsız açılaydı hər açılan sabahlarım.
Günahlarım, günahlarım.
©