Благословен еси Господи научи мя оправданиям Твоим

Благослове́н еси́ Го́споди, научи́ мя оправда́нием Твои́м.

А́нгельский собо́р удиви́ся, зря́ Тебе́ в ме́ртвых вмени́вшася, сме́ртную же Спа́се, кре́пость разори́вша, и с собо́ю Ада́ма воздви́гша, и от а́да вся́ свобо́ждша.

Благослове́н еси́ Го́споди, научи́ мя оправда́нием Твои́м.

Почто́ ми́ра с ми́лостивными слеза́ми, о учени́цы, растворя́ете? блиста́яйся во гро́бе а́нгел, мироно́сицам веща́ше: ви́дите вы́ гро́б, и уразуме́йте, Спа́с бо воскре́се от гро́ба.

Благослове́н еси́ Го́споди, научи́ мя оправда́нием Твои́м.

Зело́ ра́но мироно́сицы теча́ху ко гро́бу Твоему́ рыда́ющя, но предста́ к ни́м а́нгел, и рече́: рыда́ния вре́мя преста́, не пла́чите, воскре́сние же апо́столом рцы́те.

Благослове́н еси́ Го́споди, научи́ мя оправда́нием Твои́м.

Мироно́сицы жены́, с ми́ры прише́дшя ко гро́бу Твоему́ Спа́се, рыда́ху, а́нгел же к ни́м рече́, глаго́ля: что́ с ме́ртвыми жива́го помышля́ете? я́ко Бо́г бо воскре́се от гро́ба.

Сла́ва, Тро́ичен:

Поклони́мся Отцу́, и его́ Сы́нови, и Свято́му Ду́ху, Святе́й Тро́ице во еди́ном существе́, с серафи́мы зову́ще: свя́т, свя́т, свя́т еси́ Го́споди.

И ны́не, Богоро́дичен:

Жизнода́вца ро́ждши, греха́, Де́во, Ада́ма изба́вила еси́, ра́дость же Е́ве в печа́ли ме́сто подала́ еси́: па́дшыя же от жи́зни, к се́й напра́ви, из тебе́ воплоти́выйся Бо́г и челове́к.

Аллилу́иа, Аллилу́иа, Аллилу́иа, сла́ва Тебе́ Бо́же. [Три́жды.]

Тебе одеющагося светом яко ризою Хор Стретенского монастыря великий пост
Днесь Иуда оставляет учителя хор братии Валаамского монастыря
Песнопения службы Успение Пресвятой Богородицы хор братии Оптина пустынь
Песнопения великого поста Великий четверг Стретенский монастырь

#православие#православныйпатерик#церковныепеснопения#оптинапустынь#