Билинии

Билинии. Анна Бурнашева (Мэҥэ-Хаҥалас, Табаҕа) тыллара уонна мелодията.

*****
Үчүгэйдик даҕаны
Имэрийэ көрөҕүн,
Чахчы сырдык сулустуу
Мичилийэ кыыһаҕын.

Эйэҕэскээн мичээриҥ,
Эдэр холку көрүҥүҥ
Күүстээх таптал иэйиитин
Туоһулуурга дылылар.

Эйигиттэн атыҥҥа
Эрэйдэммэт сүрэҕим,
Өрүү күүтэр быһыынан
Уйаҕастык нүөлүйэр.

Көрсө түһээт долгуйан
Үөһэ тыынан ылабын.
Этиий миэхэ биир тылла
Дууһам олус эрэйэр.

Таалан туран хааллыбыт
Эн, мин, халлаан барыта.
Икки сүрэх тэбиитэ
Сир үрдүгэр битийдэ.

Тунал хаарбыт сыыйыллан
Сырдык хоту тардыста,
Ибир уоскун даҕайан
Итии тыыҥҥын илгийдэ ...

[АнанийРоманович]

Ис сүрэхтэн ыллаан дуоһуйуу үөрүү үксээтэ! Махтал

[МихаилНикифоров-ъц]

Онтон ырыатын булан угун эрээ...наьаа учугэй ырыа дии...