Besnikëri në Zotin - 14 Korrik 2024

Perëndia i gjithëpushtetshëm, krijues, i gjithëditur, i kudondodhur, përshkruhet me disa tipare mahnitëse në Bibël. Një nga ato është besnikëria.
Vajtimet 3:22-23, “22) Është një hir i Zotit që nuk jemi shkatërruar plotësisht, sepse mëshirat e tij nuk janë mbaruar plotësisht. 23) Përtëriten çdo mëngjes; e madhe është besnikeria jote”.
Kur e thotë këtë? Pas shumë sprovash të tmerrshme, Vajtimet 3:1-25.

Shembulli mahnitës i Krishtit. Asgjë, asnjë status i lartë apo i ulët, asnjë sprovë e madhe apo e vogël, asnjë pasuri a varfëri nuk ia ndryshon fytyrën, shembullin Atij.
Hebrenjve 13:8, “Jezu Krishti është i njëjtë dje dhe sot dhe në përjetësi”.

Prandaj Ai do që ne mos ta harrojmë Atë, sepse shkatërrohemi. Ai do që edhe ne që të qëndrojmë besnik në Të, sepse vetëm Ai mund të na mbajë besnikë deri në fund.
1 Korintasve 4:1-2, “1) Kështu njeriu, pra, le të na mbajë për shërbëtorë të Krishtit dhe si administratorë të mistereve të Perëndisë. 2) E tjetra që kërkohet nga administratorët, është që secili të gjendët besnik”.

Prandaj edhe Pali i shkruan Filipianëve një letër inkurajuese, ku ndër të tjera thotë:
Filipianëve 1:6, “Duke qënë i bindur për këtë, se ai që nisi një punë të mirë në ju, do ta përfundojë deri në ditën e Jezu Krishtit”.