Tv Klan - Yuri Kim takon David Wisner

I ngarkuari i ardhshëm me Punë i Ambasadës së SHBA në Tiranë, David Wisner, para nisjes së detyrës së tij të re në Shqipëri, ka zhvilluar një takim me ish-ambasadoren Yuri Kim, në cilësinë e Ndihmës Sekretares së Shtetit në Detyrë për Çështjet e Europës dhe Euroazisë, në Uashington DC.

Ambasada Amerikane në Tiranë bën të ditur se Ndihmës Sekretarja në Detyrë uroi Ëisner për detyrën e tij të re në Shqipëri.

Gjithashtu ambasada bën të ditur se ata diskutuan për partneritetin e fortë SHBA-Shqipëri dhe bashkëpunimin e vazhdueshëm në fushat e demokracisë, mbrojtjes dhe biznesit.

Yuri Kim përfundoi mandatin e saj 3-vjeçar si ambasadore në Shqipëri dhe u largua nga vendi ynë në muajin Qershor.

Ajo do të zëvendësohet në këtë pozicion nga David Kostelançik, i cili pritet të mbërrijë në vendin tonë në javët në vijim.

SUBSCRIBE to “RTV KLAN” on YouTube for more videos!