Mən Qarabağam... (Söz: Fərqanə Tağı, Səs: Sara Bağırova)

-Mən Qarabağam...
İllərdi tənhayam,
Övladlarımdan ayrı,
Vətənimdən uzağam...

Şuşamda quruyub,
Hər fəsil açan xarıbülbül...
Xocalımın yaraları,
Hər gün qanayır...
Olmur belə dərman artıq,
Əkdiyim sarı sünbül...

Məni xilas etmək üçün,
Hər gün onlarla "ŞƏHİD" qan tökür...
Yüzlərlə "ŞƏHİD" anası,
Mərd görünmək üçün,
Öz qəlbinə dağ hörür...

Bəs "ŞƏHİD" övladları?!
"ŞƏHİD" övladları məni qınayaraq,
Gözlərindən yaş süzülür...
Kimisi yumruq sıxıb,

Atasının qisas gününü gözləyir...

Tənha "ŞƏHİD" yoldaşı,
Başına qara bağlayıb,
Oturub bir kənarda...
Kürəyinə bıçaq saplayıb...
Ağzından bircə kəlmə,
Söz belə çıxmaq bilmir..
Udur, zəhər kimi...

Ey məğrur "ŞƏHİD" atası,
Sən çoox sağ ol...
Neçə ildir gözündən qoruduğun,
Öz övladını sən mənə pay etdin..
Göz yaşlarını silib,
Sadəcə dik baxışla,
"VƏTƏN SAĞ OLSUN" dedin...

Görürsən bircə mərmi,
Nə qədər insan dağlayır...
Bir həsrətlik torpağa,
Nə qədər igid yaralanır...
Kimisi heç sevmir məni,
Qisas üçün savaşır,
Kimisi dostu üçün,
Kimisi can qardaşı...

Bir gün xilas olacam,
Ümidim var mənim..
Nəvaxtsa mənim övladlarım,
Öz doğma yurdlarına gələrək,
Tənha qoymayacaq məni...

~Fərqanə Tağı~

[yldzlgece]

ALLAH bütün 🥀ŞƏHİDLƏRİMİZİN 🥀ruhunu şad eləsin 👐👐👐👐👐👐