Yapon Həkim Nişinin 1-Cİ QIZIL QAYDASI

#BirBax #Onurğa #Nişi
Məşhur Yapon alim Katsuzdza Nişinin 6 qızıl qaydası.
Bu qaydalara gündə 2 dəfə, səhər və axşam əməl etsəz, həmçinin sağlam qidalansanız, başda xərçəng olmaqla bütün xəstəliklərdən ömrünüzün sonuna kimi qurtulacaqsınız. Bu gün sizə Nişinin 6 qızıl qaydasından birincisini sizə təqdim edəcəm. Diqqətiniz məndə olsun.
Onurğadakı diskomfort hissinin aradan qaldırılması və ağrıların azalması üçün yaponiyalı loğman Katsuzo Nişi`nin sistemini sizə təqdim edəcəyik. O, şəxsi təcrübələrinə əsaslanaraq bel ağrılarını müalicə edirdi. Onun gimnastika təliminə təkcə gimnastik hərəkətlər deyil, həmçinin, düzgün qidalanma da daxil idi. Nişi sistemini tətbiq edənlər sağlamlığının qeydinə qalacaq, gec qocalacaq, stressə qarşı müqavimətli olacaq.

BİRİNCİ QAYDA: düz və bərk yataq
Sağlam olmaq və uzun ömr sürmək istəyən hər kəsin çarpayısı düz və bərk olmalıdır. Lakin onu incitməyəcək şəkildə. Üstünüzə saldığınız örtük nazik olmalıdır, amma üşüməyəcək dərəcədə. Yataqda arxası üstə və düz uzanmağa nail olun. Təbiidir ki, uzun illərin pis vərdişindən yaxa qurtarmaq asan olmayacaq. Bir müddət əzab çəkəcəksiniz: yuxunuz qaçacaq, dərhal yan üstə çönməyə cəhd göstərəcəksiniz. Amma,mənə inanın,əzab çəkməyinizə dəyər. Bunun mükafatı şirin yuxu, sağlam bədən və sağlam ruh olacaq. İlk vaxtlar arada hərdən bir yan üstə çevrilə bilərsiniz. Amma bunu edəndə qamətinizi bükməyin, büzüşməyin,ən başlıcası isə özünüzü yenidən arxası üstə uzanmağa məcbur edin. Gec-tez vəziyyətə alışacaqsınız. Soruşa bilərsiniz: bunun sağlamlığa nə dəxli var?

Əvvəla, düz uzanarkən bədənin bütün hissələri yükü bərabər şəkildə bölüşdürür, qan bədənə rahat yayılır. İkincisi, əzələlər yumşalır. Üçüncüsü, ayaq üstə qalarkən, yaxud iş masası arxasında əyləşərkən əyilən, yerindən oynayan fəqərələr imkan tapıb düzələcək.
Bərk yataq dərinin öz funksiyasını düzgün yerinə yetirməsinə şərait yaradır, qara ciyəri pis vəziyyətə düşməyə qoymur. Bədənin üst qatlarında yerləşən venalar qanı geri, ürəyə tərəf rahat qovur. Bu da, öz növbəsində, qara ciyərin fəal işləməsini təmin edir. Nəticədə gün ərzində bədənə yığılan gərəksiz maddələr buradan kənar edilir. Lakin iş bununla bitmir.Sinirlər müxtəlif təzyiqlərə və gərilmələrə mə’ruz qalmır, bütün gecəni dincəlir. Yoğun bağırsaq isə qəbizlik kimi böyük bir bəladan azad olur.
İnsan qədim zamanlarda dörd ayaq üstə gəzib. O vaxt insanın fəqərə sütünü üfüqi şəkildə formalaş-mışdı. Belə fəqərə sütunu hər hansı bir təzyiqə, stresə, gərginliyə asanlıqla tab gətirirdi. İnsan dik gəzəndən sonra bir sıra dinamik çətinliklər baş verdi və fəqərə sütunu orqanizmin ən kövrək, ən tez sıradan çıxan hissəsinə çevrildi. İnsanın fəqərə sütunu (can evinin dirəyi) 33 fəqərədən ibarətdir. Bir-birinin üstündə yerləşən bu fəqərələr vahid sütun əmələ gətirsələr də, öz funksiyalarına görə 5 qrupa bölünürlər: yuxarıdakı 7 fəqərə-boyun fəqərəsi, sonrakı 12 fəqərə-döş (yaxud torakal) fəqərəsi, aşağıdakı 5 fəqərə-qurşaq fəqərəsi, bitişib üçbucaq əmələ gətirən daha 5 fəqərə-çanaq fəqərəsi və sonuncu 4 fəqərə-büzdüm fəqərəsi adlanır. Ayrı-ayrı fəqərələrin birləşərək əmələ gətirdiyi borunun içində onurğa beyini (spinnoy mozq) yerləşir.

Hər fəqərənin ortasında 2 yan çıxıntısı olur ki, bunlar fəqərəni zərbədən qorumaq funksiyasını daşıyır. Fəqərənin hər tərəfində kiçik yarıqlar, yaxud fəqərəarası kanal yerləşir. Buradan sinirlər və qan damarları çıxır. Onlar hər hansı bir dəyişikliyə qarşı çox həssasdır. Bu cür həssas əsəb və qan damarları bədənin hər tərəfınə yayılır. Hər bir fəqərə çox asanlıqla ümumi sütundan aralana, yaxud sıradan çıxa, sürüşüb yana əyilə bilər. Bütün bunların hamısına burxulma deyilir. Fəqərə burxularkən əsəbləri və qan damarlarını sıxır. Bu vaxt əsəblərin ucları öz funksiyasını düzgün yerinə yetirə bilmir. Nəticədə müxtəlif xəstəliklər baş qaldırır.
Nişinin çoxşaxəli tədqiqatları belə bir faktı da üzə çıxartdı: burxulmaya ən çox meylli olan 1-ci və 4-cü boyun, 2, 5 və 10-cu döş fəqərələri, 2-ci və 5-ci qurşaq fəqərələridir. Lakin fəqərələrin hər biri burxula və zədələnə bilər. Bunları deməkdə məqsədimiz odur ki, hər kəs bilsin: bizim sağlamlığımız həm qidadan, həm də fəqərə sütununun vəziyyətindən asılıdır. Məhz buna görə də düz və bərk çarpayı lazımdır ki, fəqərə sütunu üfüqi vəziyyətdə qalsın və əziyyət çəkməsin. Gündüzlər isə başı dik tutub gəzmək, oturmaq və iş görmək lazımdır. İnsan yatanda da, yol gedəndə də, masa arxasında iş görondə də, çörək yeyəndə də, televizora baxanda da, bir sözlə, hər vaxt fəqərə sütununun qeydinə qalmalıdır.

[sabinaasker]

Ərsad Əzimdənin Möcuzəsiz möcuzə kitabindan bir balaca hissə.Bunlari bizə çatdirdiği ucun Allah razi olsun Ərsad Əzimzadədən

[milanamilana]

👍👍👍 məsləhətiniz ücün Nişinə və bunu bizlərə catdıranlara təşəkkürlər..🙏🙏🙏

[Cumayev]

Qədimdə 4 ayağ üstündə gəzən heyvanlar elə indidə 4 ayağ üstə gəzir. İnsanlar isə həmişə 2 ayağ üstə olub. Digər məlumatlar üçün isə sağolun 👍🏻

[asifesgerov]

Mənim ūcūn vacib məsləhətdi .Coxlu -coxlu sag olun .Bərk yerdə yata bilmirəm .

[vasifliyev]

Faydalı məsləhətiniz üçün çox sag olun

[GulnareCeferova-jkfj]

cox saq olun deyerli melumatlar uçùn.Mumkunse o biri qaydalari da gozleyirem

[YuliyaAzizova]

Ərşad Əzimzadə min kitabında, Nişinin həyatı və qanunları yazılıb, yenədə sağolun

[minhuseynova]

Salam məndə də yuxu problemi vardı.Ama kürek uste yatandan sonra ele rahat yatiram.Bədəndə hecbir agri da qalmır həqiqətən.Və səhər yuxudan duran xoş əhval ruhiyyə ilə oyaniram.Və bütün gün əhval ruhiyyəmdə gözəl olur.

[duzsoz-]

Xanım darvinin fikrinə görə insan meymundan dönüb amma sonra alimlər də quran da təsdiq etdi ki insan meymundan dönməyib siz deyirsiz ki əvvələr insan dörd ayaq üstə gəzib belə deyil insan elə insan olaraq yaradılıb demək istəyirsiz ki insan heyvan olub ki dördayagıüstə gəzib nə danışdıgınıza fikir verin xahiş edirəm

[yasarxudiyev]

Çox sağ olun.Növbəti beş qaydanı səbrsizliklə gözləyirik.

[YuliyaAzizova]

Xanım, siz Müqəddəs kitabdan yaradılış kitabıni oxuyun, qaldı Nişiyə o doğurdanda ağilı və iradəli insan olub, Allah insanı yaratdıglarinin şah əsəri edib

[GünəşTV]

Nə qida qəbul edirsən et, təbii, ekoloji təmiz qidalardan normasında istifadə etməklə, ən əsası, yüksək ruhi istəklə, inamla, sevgi ilə qidalansaq heç bir xəstəliyi seçməyə ehtiyacımız olmaz. Təmiz hava və təmiz su qidalarımızın ŞAHIDIR. Unutmayaq, ən böyük həkimimiz öz orqanizmimizdir, sadacə olaraq onun istəklərini düzgün qiymətləndirmək lazımdır, bunlar birmənalıdır. HƏRƏKƏT, NORMAL HƏRƏKƏT.

[Lawyer]

Bu fikir artıq populyar deyil) insan dörd ayaq üstə gəzməyib )))

[kbggvzi]

Mən oğlumu😢həkimə hər6 aydan bir aparıram masaj, kalsum, tok üzgüçülük, yeri düz, 17 yaşı var karset taxmır amma heç düzəlmir😖😥

[MensureHuseynova-ge]

Her şey ela, men özüm Nişinin qaydadını etmişem ve sağlam arıqlamışamda, bir tek qedimde insanlar 4 ayaw üste geziib yanlış, Darvin nezeriyesi, bir ateisin nezeriyyesi, insan meymundan emele gelmesi, hamısı boş nezeriyye, insan insan olaraq yaradılandan 2 ayaw üste olub

[ilhamebabashova]

Salam .mən 5 ildi delimə əlac tapan yoxdu həkimlə pulumu yeyir amma əlac eliyən yoxdu .fəqərə suruşməsi sinir sxlıgı bir bəla olub mənimcin .Bu yapon həkimin idmanlarda eliyərəm görəy nolacaq.

[learnenglishwithmehriban]

Nişinin möcüzəsiz möcüzə kitabı məndə var oxuyuram əməl edirəm

[ДаникГопст]

Sen ne danisirsan insan 4 ayaq uste nece geze biler axi.H.Adem E.S. demek isteyirsiz 4 ayaq uste gezibdi?ayib valla

[tbibaynal]

Düz deyir mənə əvvəl cətin oldu. Sonra rahatladim.

[hijranmanafova]

Hələ də Allahın yaratdığna şübhə jlə yanaşırsız???İnsan elə insan kimi 2ayaq üstə yaranıb, Darvin nəzəriyyəsi gorbagor olub