Ўзбек журналисти Киевда норозилик амалиёти бошлади - BBC Uzbek

Ўзбекистонни 2013 йили тарк этишга мажбур бўлган журналист Нарзулло Охунжонов Киевдаги БМТ қочқинлар идораси қаршисида беш нафар фарзанди билан очлик эълон этганини хабар қилди.
Норозилик амалиётидан олдин ўзининг Фейсбукдаги саҳифасида видео мурожаат эълон қилган Нарзулло Охунжоновнинг айтишича, Бирлашган Миллатлар ташкилоти Қочқинлар бўйича комиссарлигининг Украинадаги ваколатхонаси ходимлари ўзи ва оиласи аъзоларини бошқа бир давлатга чиқармаяпти ва бошпана беришни асоссиз чўзишаяпти, оқибатда ўзларининг ҳуқуқларини бузаяптилар.
"Биз бугун БМТнинг қочқинлар бўйича Украинанинг Киевдаги офиси-ваколатхонаси биноси қаршисида ўз ҳақ-ҳуқуқларимизни ҳимоя қилиш мақсадида муддатсиз норозилик-очлик акциясини соат 10:00 да бошладик", деди Нарзулло Охунжонов Би-би-сига.
Нарзулло Охунжоновнинг сўзларига кўра, қочқинлар идораси вакиллари ўзи, рафиқаси ва беш фарзандини 2018 йил бошида учинчи давлатга жўнатиб юборишга ваъда берганлар.
"2018 йил ҳам ўтди. 2019 йил келди. 2019 йил бошида яна шундай ваъда беришди. Бу ҳам амалга ошмади. Фақат бизни алдаяпти", деди Нарзулло Охунжонов.
Ўзбекистонлик журналист оила аъзолари билан норозилик амалиётини бошлаганидан кўп ўтмай Қочқинлар агентлиги раҳбарларидан бири уларнинг олдига келган ва муаммоларини ҳал этишга ваъда берган.
Нарзулло Охунжоновнинг норозилик амалиёти бўйича Би-би-си Қочқинлар агентлигининг Украина ваколатхонаси матбуот хизмати билан боғланди, матбуот хизмати яқин вақт ичида бунга ўз муносабатларини билдиришларини маълум қилди.
53 ёшли Нарзулло Охунжонов "Ўзбекистон" радиосининг Сиёсий, ҳуқуқий ва маърифий эшиттиришлар бўлими муҳаррири лавозимида фаолият юритган.
У 2012 йили Би-би-си Ўзбек хизмати билан суҳбатда "Кабминда ўтирган шахс матбуотдаги танг аҳвол учун учун масъул эканлиги ва бунинг учун у жавобгар эканлигини" айтганидан кейин Миллий Хавфсизлик хизмати томонидан ўзига нисбатан босимлар бошланганини айтган.

[ХомоКайнозойский]

Чин дилдан сизга ва ойла аьзоларизга соглик тилайман. Мушкулиз осон килсин Оллохим. Ташвишлариз уз ечтмини топсин, ва ниятларизга етинг. Омад. Оллох асрасин сларни. 🙏🙏🙏

[ukasha]

SubhanAlloh. Alloh yordam bersin. Insofi bulgan qulidan keladiganlar Alloh uchun yordam berishsa bularkan. Biz uzbeklarga xech qaerda osonmas, musulmonchilik osonmas, yurtingda esa ahvol chatoq

[wintersonata]

Bunday vaziyatda farzandlarga qiyin.Farzandlar sarson.

[turkchaklipvakinolarkanali]

Din ölimgacha bir ish yaramasa ölgandan keyin hich yaramaydi

[SAMURA]

Узи Украина энасиникига кириб йотиптику бунга бало борми Киевда, э падаркуш

[МирзохидИлхомов]

Интерполни сиздан бошка иши йукми. Агар интерполга беришганда сизни давнооо обкелиб топширишган буларди узбекистонга.

[itstrue]

Ифлос Шавкат Мирзияев Диктатор Вахший Ислом Каримов нинг шогирди!

[samsunggalaxe]

Nima aybi uchun bu odam qochib yuribdi ?
Nima bulganda ham vatandan boshqa joyda odam xor buladi.
Faqat uz vataningda azizsan. Tuģri noxaqliklar kup, lekin begona yurtda sen umringni oxirigacha begona bulasan. Aynan shu narsa eng yomon azob.
Hatto podshox Bobur, uzga yurtda podshox bulsada vatan soģinichi bilan yiģlab utdi.
"Har ishni ayladim xatoliģ uldi
Uz yurtim qolim hind sori yuzlandim,
Yo rab ne tain ne yuz qaroliģ uldi.

Degan edi Bobur shox.