Top Channel/ Dënimin në Angli, burgun në Shqipëri! Marrëveshja e ekstradimit të burgosurve shqiptarë

Komisionet parlamentare nisën diskutimin e marrëveshjes me Britaninë e Madhe për tu dhënë mundësi qytetarëve shqiptarë të dënuar nga drejtësia angleze në vuajtjen e dënimit në burgjet shqiptare.

Po ashtu edhe për përshpejtuar dëbimin e emigrantëve të paligjshëm drejt vendit tonë. Kjo do të thotë se ata të cilët njihen si çunat problematikë të Londrës shumica nga veriu i vendit, do tu duhet ta vijojnë shlyerjen e dënimit në Burgun e Burrelit.

Gjithçka mbetet në dëshirën e tyre nëse do të duan të kthehen në Shqipëri për të vuajtur dënimin. Statistikat tregojnë se në burgjet angleze janë 1500 shqiptarë kryesisht të dënuar për trafik droge dhe ngritjen e shtëpive të barit ku kultivohet kanabis.

Sipas ministrisë së drejtësisë angleze Top Channel mëson se, nga Janari deri në 20 Nëntor 2021 janë 138 shqiptarë të dënuar për ngritjen e shtëpive të barit.

Në komisionin e sigurisë kombëtare deputeti Enkelejd Alibeaj kërkoi sqarime dhe ngriti dyshime se kjo marrëveshje lejon edhe ripranimin e emigratëve të paligjshëm shtetas jo shqiptarë. Ky pretendim i zotit Alibeaj u hodh poshtë nga zëvendës ministri punëve të brendshme Andi Mahila.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#UK#TopChannelNews