NACCOZ NA JWTZ NI ZAIDI YA VITA YA MASUMBWI KILI BOXING TOUR

Bondia Mukhsin Swalehe a.k.a Mzee wa Alkasusi kutoka Nacozz Mabibo jijini Dar es salaam ametamba kumchakaza mpinzani wake Ismail Galiatano Kwenye Pambano La Kili Boxing Tour Litakalopigwa February 25,2023 Moshi.

Akizungumza mapema hii leo Bondia Muhsin Swalehe amesema,mpinzani wake Kutoka Jeshi La Ulinzi la wananchi Wa Tanzania-JWTZ Amekuwa akikutana na Mabondia Dhaifu katika mapambano yake,hivyo safari hii anaenda kukutana na kiama na ajiandae kukimbia ulingoni.

Kwa Upande wa Mashabiki wa Bondia huyo wamesema pambano hilo ni la kufungua mwaka na wanategemea kupokea ushindi wa kishindo kutoka kwa bondia wao.

Mkufunzi Wa Bondia huyo Kocha Ramadhani Uwadi maarufu kama Ramajah amesema,Ismail Galiatano ni bondia mzuri ila Safari hii amekutana na Bondia Mzuri zaidi hivyo wajiandae Kwa kipigo huku Watanzania wategemee kuona Burudani Ya aina yake siku hiyo.

Pambano la “Kili Boxing Tour” linarajiwa kufanyika 25 febuari 2023 Moshi Kilimanjaro,ambapo Bondia Mudi Pesa tazichapa na Amani Bariki,Roja Mjeshi na Gili Machupa,Karim Mandonga na Ali Boznia huku kwa upande wa wanawake Sarah Alex kuzichapa na Samira Kassim.