Steven H - Oud en versleten (videoclip)

Показать описание

Steven H oud en versleten? Niets van dat! Het is tijd dat dit even wordt rechtgezet in dit onversneden 'stoefnummer'.

Tekst en muziek: Steven H
Opname en mix: SH, David Goetheyn (Ponch Oman) en Fernant Zeste
Mastering: Pieter De Wagter (EQuuS Mastering)

Clip:
idee en camera: SH, David Goetheyn en Fernant Zeste
luchtbeelden: Thibaut Landuyt
montage: SH

OUD EN VERSLETEN

‘k Ben oud en versleten
In ui hoofd
Mo nie in ’t mijne
Ik drage nog geen geine
‘k Ben kwiek en monter
‘k Kan nog pieken
Geloofde gij mij nie?
Bekijk mo de grafieken
’t È nie veu ’t een of ’t ander
Nie veu ’t ander, nie veu ’t een
Mo ‘k sta nog mijne man
‘k Hang nog lange nie verschêen
Oud en versleten
Langs geen kanten
‘k Draaie nog mee
Boven d’adjudanten
Woordkunstenaar,mee vree veel klanten
Ne hele, hele, helen interessanten

‘k Ben oud en versleten
Wie zegt er da?
Ne kerel die van niets weet
Ne paria
Ik ben een jong veulen
Geen cavia
Fris link ne hoen, ‘k peize nie an mijn pensioen
Want ajje daarmee begint komde echt niet welgezind
Ik blijve positief, mee mijn maten selectief
Oud en versleten
Niets van da
‘k Spreke jongerentaal
Ik zegge: ‘Of wa?’
Ne vree goe flow
En genen astma
Ik draaie nog goe mee, da zie je an mijn resumé

Oud en versleten
Nog altijd nie
Waar wachte up?
Up de drie?
Of up de viere?
In reguliere
rap beginde tun
Mo ’t ès speciaal
Mijn flow was altijd anders, ‘k imitere geen Hollanders
‘k Ben ne stijl up mijn eigen, bennek bezig ga’k nie zwijgen
Oud en versleten
Bennek nie
Sterk van lijf en leden
Ook mijne knie
Een krachtig lichaam
Ne heldere geest
En rapnummers maken
om ter meest

Den outro!
Al dien tijd, die schone, schone, tijd
Al dien tijd, woar ès dien tijd?
Al dien tijd, die schone, schone, tijd
Al dien tijd, woar ès dien tijd?
Al dien tijd, die schone, schone, tijd
Al dien tijd, woar ès dien tijd?
Al dien tijd, die schone, schone, tijd
Al dien tijd, woar ès dien tijd?

‘k Ben oud!

‘k ben oud, ‘k ben oud, ‘k ben oud, ‘k ben oud
‘k ben oud, ‘k ben oud, ‘k ben oud, ‘k ben oud

Volg Steven H:

© 2024 Zang en Dans Producties