Кара-Дарыя айылы/ Шалы сезону. Берекеге толгон айыл.

Показать описание

Күз күрөш демекчи. Баардык айылдарда күрөшүү башталды. Биздин айылда да шалынын сезону башталды. Эккен шалылар бышып, элдин баары талаадан бошобой жаткан учуру. Бир эле шалы эмес, бүт нерсе эгилип аларды жыйноо менен убара болсо керек.
Айылдын аркасынан киргенден баштап жолдун четине шалылар жайылып, кургатыла баштайт. Бир машина бата тургандай эле жер калатта калган жолдун жарымына шалы жайылат.)) Аны кургаткыча элдер жолдо түнөшөт капа кылышып.)) Бизде адыр кеңири болгондуктан көп жерлер кырман болуп шалылар кургатылат. Жаштыгым ошондой соонун күндөр менен өткөн. Кошуналар менен бири- бирибизге жардам берип. Шалы чыгарып атыптыр жардамдашып кой же жайышып кой,капташып кой деп жөнөтөт эле. Ошол убакта аба ырайы менен ар дайым тыгыз байланышта болуп, күн сайын карап бүгүн кандай болот экен, күн эле болсун деп тиленип жатат элек. Себеби шалылар кургаш керек. Күн жакшы чыкса үч, торт ашып барса бир жумада кургайт. Кургатып жыйнап, каптап, актап, гүрүч кылып сатканга даяр кылып коесун. Бирок, мээнети өтө көп дагы бүтүп сатайын десең эле арзаан болуп кеткен расходду зорго актап калат. Дыйкандар мээнетине эле күйүп кетет. Аны жайы мн карап, даарысын берип, күрмөктөрүн отоп, чекелерин кооздоп отун оруп, эми иши көп шалынын деле. Ээн талаада эле, талаанын иливоой ишин кылып, мал, койлорду кайтарып, эшектерди ат кылып чаап, талаада бирөөлөрдүн алмаларын, өрүк, нак, жүгөрүлөрүн, памидорлорун уурдап чоңойгон эле кызбыз.🤣🤣 Эх ошол убактар соонун эле. Өтүктү кийип алып, ар он мүнөттө шалыны чаңытып кечип аяка быяка чапкылайт элек. Шалы кургатыш өтө кыйын. Эгер кечпей койсоң күнгө күйүп өлөт шалы. Атаңдан урушту болушунча угасың каласың.)) Шалы чыгаргандагы акыбалды айтпай эле коеюн, кийимиң кылкаан, чааң🤐. Шалы эккендер түшүнөт.)) Анан шалынын пахалдарына секирип ойногонду айтпай эле коеюн.😌 Анда парк саркка деле барбай, даяр пахалдарды батут кылып секирип, секирип жыргап ойнойт элек. Пахалдарга бекинип...😍🤭🤪 ий балалык кез кандай соонун. Айта берсем сөзүм эч түгөнбөйт кыскасы. Ишке да оюнгада жетишет элек. Кереметтүү, берекеге толгон айлыма, кумурскадан да ашып тытынган айылдаштарыма салам. ✊🇰🇬 Эгин - тегиндерди эсен- аман жыйнап, үзүрүн көрүп олтуруп калгыла.