Медальсемпе чысларĕç

Пысăк çемье – пысăк савăнăç тата пуянлăх. Элĕк районĕнчи Мăн Кăканар ялĕнчи Семеновсем те çавнашкалах шутлаççĕ. Вĕсем çичĕ ачана пурнăç парнеленĕ. Çемье – кашни çын пурнăçĕнче чи кирли. Вăл тулли те телейлĕ пулнине нимĕн те çитмест. Лайăх çемьере кăна ырă та лăпкă ачасем çитĕнеççĕ. Ӳссен те вĕсем тĕрĕс те тӳрĕ çул çинчен пăрăнас çук. Çĕршыва юрăхлă çын пуласси те никамран та мар, чи малтан çемьерен килет теççе Семеновсем. СВЕТЛАНА СЕМЁНОВА: «Питĕ савăнăçлă, питĕ интереслĕ пурăнма пысăк çемьере. Кашни çĕнĕ ача çуралса пынă çемĕн хăв та çĕнĕлен. Тата вĕсемпе пĕрле пурнăçри йывăрлăхсене парăнмастăн. Тата çĕнелсе те çамрăкланса пыран. Вĕсемпе пĕрле вĕренетĕн, вĕсемпе пĕрле чупатăн, тăрăшатăн, вĕрентсе пыратăн». «Киле килсен ачасем ыталаса илсен ывăнни те иртсе каять, вăй-хăват кĕрет тет Светлана Вячеславовна. «Пур ĕçе те пĕрле пурнăçлатпăр, пĕр-пĕрне тĕрев паратпăр. Ку пирĕн çемьене çирĕплетет», – палăртать вăл. Ачасене тĕрĕс-тĕкел воспитани панăшăн, çемье институтне çирĕплетнĕшĕн Раççей Президенчĕ Владимир Путин Семеновсене «Ашшĕ-амăшĕн мухтавĕ» орденĕн медалĕпе чысларĕç. Савăнăçлă ларура тĕрлĕ тытăмра палăрнисене хисеп турĕç. «Раççей Федерацин тава тивĕçлĕ журналисчĕ» ята Маргарита Гартфельдер тивĕçрĕ. Ку ята вăл Чăваш Республикинчен пĕрремĕш илчĕ. «Телевидени пĕччĕн ĕç мар. Унта эпир пысăк ушкăнпа ĕçленĕ. Вĕсене пурне те тав», – палăртрĕ Маргарита Гартфельдер. Алексей Зотиков, Екатерина Никитко, Павел Иритков