ASA NGAPA

- ASA NGAPA -

Udah lama aku nganti
Awak endur tua begulai baru
Diatu aku udah datai
Chukup pedis nanggung pengerindu

Enda nyangka pengerindu diuji
Semina ngasuh ati asa ngapa
Pengerindu ti kala dibagi diberi
Nadai kala disimpan ti ditempaya

Andal ngapa aku ngelamatu ambai
Ketegal pengerindu aku sanggup
Begadai nyawa ngetanka semaya danji
Tang nuan nadai kala enggau besaup

Lebuh maya pengerindu enda disaut
Danji semina tinggal danji
Pemedis ati serta runding pan tusut
Nyamai agi aku diau kediri

Pengerindu chukup mayuh entelah
Ti nadai kala bisi pengujung iya
Bakanya mih asai ati aku madah
Ti semampai deka ngerimbai belama

Damping enggau nuan ambai
Ti semampai diinginka aku belama
Ngasuh nuan tuchum berari
Meri nuan pengelantang pengaga

Nemu nya disambut aku asa
Enggau ai mata sabak merinsa
Dikeduan nuan bangat enda kasih
Nadai ati sinu meda penusah

Enggai agi aku pechaya
Semaya enggau sumpah danji
Baka pitak dibuai mata
Baka perau patah kemudi

Diatu atiku redak seribu
Pedis deka bejantil baru
Mulaika asai dalam ati
Ti jauh udah bebali

VIDEO EDIT: Alexon John (John Allen)
MUSIC BACKGROUND: Embun (Flute) by Mohar
INSTAGRAM: john_allen96