Daqqa ta’ Pinna - Cherylis

Daqqa ta’ Pinna 🎤 Cherylis

🖋️Emil Calleja Bayliss
🎶Mark Scicluna

Illum sirt naf x’inhi imħabba
vera dik li tajtni int,
int sraqtli qalbi u lqajtni f’darek għalkemm jiena kont stranġier.

Nixtieq... inroddlok ftit mill-ġid
li int... provdejtli tul is-snin
li ma kienx għalik... jien mhux bint!

Inti l-għożża illi tisboq l-isbaħ ġmiel,
iggwidajtni meta jien kont sibt ix-xkiel,
int wittejtli din it-triq, tajtni dak illi nixtieq,
jien erġajt twelidt mill-ġdid.
Inti l-għanja illi tferraħ din il-qalb,
int mexxejtni sakemm fl-aħħar hawn wasalt,
u ħarist lejn il-ġejjien, issa naf minn vera jien, b’ħarsa waħda u biddiltli d-destin.

Għalkemm mal-ewwel bikja
ġejt imwarrba x-xorti sibta fik,
mill-anġli kollha int għażiltni
biex tibqa’ tħobbni bla waqfien.

Nixtieq... inroddlok ftit mill-ġid
li int... provdejtli tul is-snin
li ma kienx għalik... jien mhux bint!

Sejjaħtlek ma u lejk ħarist,
bid-dmugħ f’għajnejk int lili bist.
Għannaqtni f’dawk dirgħajk
u qalbek smajt.

Int wittejtli din it-triq, tajtni dak illi nixtieq,
jien erġajt twelidt mill-ġdid.
Inti l-għanja illi tferraħ din il-qalb,
int mexxejtni sakemm fl-aħħar hawn wasalt,
u ħarist lejn il-ġejjien, issa naf minn vera jien, b’ħarsa waħda u biddiltli d-destin.

B’daqqa ta’ pinna għamiltni tiegħek,
għal għomrok tibqa’ tħaddani miegħek.