Top News/ Rusia, 2200 sulme në vetëm 24 orë / Raketa, dronë e bomba mbi qytete e fshatra ukrainas

Në 24 orët e fundit forcat ruse kanë sulmuar 2200 herë pozicionet, qytetet dhe fshatrat ukrainase. Lajmin e ka konfirmuar Andri Kovaliov, zëdhënës i shtabit të ushtris ëukrainase. “Pushtuesit rusë kanë kryer sulme me raketa mbi pozicionet e trupave ukrainase dhe zonat e populluara, duke përdorur 8 raketa, 62 sulme ajrore, mes të cilëve 56 me bomba të telekomanduara. Në total janë kryer 2200 sulme, prej të cilëve 128 me sisteme raketore. Sipas zëdhënësit, ushtria e kremlinit ka humbur ditën e shkuar 1290 ushtarë, duke e cuar bilancin total të trupave të humbura në rreth 512 mijë.
Zyrtarët lokalë kanë folur ndërkohë për sulme me raketa në juglindje të ukrainës, ku ka patur edhe civilë të lënduar. Kështu, Rusia kreu një sulm me raketa në Dnjepër, mëngjesin e 4 qershorit, njoftoi në Telegram guvernatori rajonal, Serhiy Lysak. Mbrojtja ajrore e Ukrainës i rrëzoi të dyja raketat, por rënia e pjesëve të tyre shkaktoi zjarr, tha ai. “Për pasojë kanë mbetur të plagosur disa banorë, në mesin e tyre edhe fëmijë”, tha Lysak. Ushtria ruse sulmon rregullisht rajonet e popullurara të Ukrainës me lloje të ndryshme armësh, përfshirë dronë sulmues e raketa. Pavarësisht provave dhe dëshmive, Moska mohon se sulmon zonat civile.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#TopNews#Sulmet#Rusia