Anëtari më i ri i Gjykatës Kushtetuese, Përparim Kalo betohet para Presidentit të Republikës

Në Institucionin e Kreut të Shtetit u zhvillua sot ceremonia e betimit para Presidentit të Republikës, Sh.T Z. Ilir Meta të anëtarit të ri të Gjykatës Kushtetuese, z. Përparim Kalo.

Gjyqtari Kalo, pas ekzekutimit të himnit kombëtar dhe leximit të dekretit përkatës të emërimit të tij nga Kreu i Shtetit, duke vendosur dorën mbi Kushtetutën e Shqipërisë, u betua para Presidentit Meta se: “Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë”.

Presidenti Meta i uroi suksese dhe punë të mbarë gjyqtarit Përparim Kalo në detyrën e tij tepër të rëndësishme e me përgjegjësi të lartë të anëtarit të Gjykatës Kushtetuese.

Në ceremoninë solemne të betimit ishin të pranishëm Kryetari i Kuvendit, Sh.T.Z Gramoz Ruçi, Kryetarja në detyrë e Gjykatës Kushtetuese, znj. Vitore Tusha, Avokati i Popullit, znj. Erinda Ballanca, drejtuesja e misionit OPDAT të Ambasadës së SHBA në Tiranë, znj.Michelle Lakomy, si dhe anëtarë të Kabinetit të Presidentit.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#PërparimKalo#IlirMeta#TopChannel

[totolivogel]

Betohem se do ti qendroj besnik likes 😂