General-mayor: “Vətən Müharibəsində hərbi liseyin 60-dan çox şəxsi heyəti iştirak edib”

Показать описание

Cəmşid Naxçıvanski adına hərbi liseydə jurnalistlər üçün təşkil olunan media turdayıq. Ali Hərbi Məktəbdə təhsil almanın, eyni zamanda gələcəkdə zabit olmanın təməli məhz bu liseydə qoyulur. Bu kadrları görərkən isə sözün əsl mənasında qürur duymamaq mümkün deyil.

Jurnalistlərin tanışlıq səfəri hərbi liseyin tarixi və fəaliyyəti barədə ümumi brifinqlə başlayıb. Daha sonra açıqlama verən Cəmşid Naxçıvanski adına hərbi liseyin rəisi, general-mayor Bəkir Orucov bildirib ki, əsas hədəf orduya savadlı, bacarıqlı və vətənpərvər zabitlər yetişdirməkdən ibarətdir.

Bəkir Orucovun sözlərinə görə, 1971-ci ildə Ümummilli lider Heydər Əliyev tərəfindən əsası qoyulan liseyin bu günə qədər 12 mindən çox kursantı məzun adın qazanıb. Məzunların 20 nəfərdən çoxu general ali hərbi rütbəsinə qədər yüksəlib: “2019-cu ildə əsaslı təmir və tikinti işlərindən sonra Ali Baş Komandan İlham Əliyevin şəxsi iştirakı ilə liseydə açılış olub. Bu isə göstərilən qayğının bariz nümunəsidir. Burada köhnə binalar əsaslı təmir olunub, yeni qərargah, tibb binası, kursant yataqxanası və digər yeni binalar tikilib. Bunların hər biri müasir avadanlıqlarla təchiz olunub”.

General-mayorun sözlərinə görə, birinci Qarabağ müharibəsi zamanı lisey məzunu olan zabitlərdən 11 nəfəri Milli Qəhrəman adına layiq görülüb. Həmçinin 44 günlük Vətən Müharibəsində hərbi liseyin məzunu olan zabitlər yüksək döyüş bacarıqları nümayiş etdiriblər: “27 sentyabr tarixində cənab Prezident tərəfindən qismən səfərbərlik elan olundu. Bizim hərbi liseydən də 60-dan çox şəxsi heyət bu döyüşlərdə iştirak etdi. Onlardan 3 nəfər yaralanıb, 1 nəfər isə mayor Əliyev Asiman şəhid olub”.

Daha sonra jurnalistlər hərbi liseyin tədris korpusları, idman kompleksi, interaktiv tir, yeməkxana və digər inzibati binalarla da tanış olublar.

9-cu sinfindən imtahan verərək bura qəbul olan kursantlar növbəti 2 ili burada təhsillərini davam etdirirlər. Liseyin müəllimi Zaur Mustafayev deyir ki, dərslər əyani vəsaitlərlə təmin olunan sinif otaqlarında, yüksək ixtisaslı müəllimlər tərəfindən tədris olunur: “Biz əsasən dərsləri çalışırıq ki, laboratoriya şəraitində tədris edək. Çünki bu halda əyani şəkildə göstərmək mümkün olur. Mənimsəmə faizi kursantlarda yüksək olur. Kursantlar nəzəri biliklərə yiyələnməklə yanaşı, əyani şəkildə görürlər. Şəhid Ceyhun Həsənov mənim kursantım olub. Allah rəhmət eləsin. Şəhidlərdən danışanda gözlərim dolur. Çünki onlar mənim üçün övlad olub”.

Kursantlara məktəb dərsləri ilə yanaşı, hərb elminin sirləri zabit heyəti tərəfindən tədris olunur. Atış dərsləri, üzgüçülük və fiziki tərbiyə dərsləri öyrədilir:

- Bu liseyi seçmək mənim öz arzum olub. Liseydə təhsil ala bilməyimiz üçün hər bir şərait yaradılıb. Asudə vaxtlarımızı səmərəli keçirmək üçün ideoloji otaqlarda, idman zallarında hər bir şərait var. Ən böyük arzum liseyi bitirib, Ali Hərbi Məktəbdə təhsilimi davam etdirib, işğaldan azad olunan rayonlarda zabit kimi vətənimə xidmət etməkdir.

- Kursant olmaq mənim uşaqlıqdan arzumdur. Atam zabitdir və hər zaman atamı formada görəndə hərbiyə olan marağım daha da artıb. Bu fikirlər və hərbiyə olan sevgim məni bura gətirdi. Qəbul imtahanında yüksək bal toplayaraq bura qəbul oldum. Burada dərslər yüksək səviyyədə tədris olunur.

Qeyd edək ki, liseydə Ümummilli Lider Heydər Əliyevin həyat və fəaliyyətini əks etdirən mərkəz də fəaliyyət göstərir.

apa tv apa group apa xeber apa xeberler xeberler son xeberler gundem gundem xeberler en son xeberler Xəbərlər son xəbərlər ən son xəbərlər yeni sərəncam xəbərlər bugün xəbərlərdə bugün günün xəbərləri xəbərlər yeni xeberler son deqiqe ən son xəbər son dəqiqə son deqiqe xeber xəbər xeberler yeni yeni xəbərlər bugünkü xəbərlər ən yeni xəbər son xeberler 2021 son xeberler bugun son xeberler bugun 2021 günün əsas xəbərləri azerbaijan azerbaycan siyaset baku baki bakı баку азербайджан новости xəbərlər ilham əliyev ilham aliyev mehriban əliyeva mehriban aliyeva xeberler cebhe dtx mtn prezident xalq azerbaycan xeberleri en yeni xeberler azerbaycanda neler bas verir cebheden xeberler qarabag azerbaycan qarabag azerbaycan en son xeberleri gunun xeberleri karabakh qarabağ əsirlər erməni əsir qarabağ döyüşləri qazi xtq xüsusi təyinatlı əsir şəhid bolgeler dunya olke olkeden xeberler hadise hadisə hadisələr iqtisadiyyat gundem canli birbasha

#apatv #apaxeber #apacanli