Şəki - Sheki | Shaki Azerbaijan UNESCO 2020 | Professional

Şəki Azərbaycanın UNESCO Ümumdünya İrs Siyahısına salınan üçüncü mədəni irs məkanı...

Şəkinin bütün ərazilərinin, turistik məkanlarının görüntüləri...
Bu video görüntülərdə Şəkinin icra hakimiyyəti, 9 mərtəbə adlanan ərazi, 5 və 9 mərtəbəli bütün ictimai binalar, Şəki xan sarayı, Aşağı Karvansaray, Marxal Resort & Spa, Sheki Saray Hotel, Sheki kitabxana, Sheki bazar, Sheki Bazarstore, Şəki store, Şəki Dövlət Dram Teatrı, Sheki Asan Xidmət, Şəki rayon Mərkəzi Xəstəxanası, Şəki şəhər Təhsil şöbəsi, 10 nömrəli məktəb, Şəkinin qədim və tarixi küçələri, işıqforlar, Avtovağzal, pavilyon və çöl yol adlanan ərazi, Oğuz şossesi, Şəkinin giriş hissəsi, məşhur restoran və kafelər, əsas küçələr və s. əks olunub. Xüsusilə quşbaxışı kadrlardan və dron vasitəsilə çəkilən görüntülərdən istifadə olunub. Şəki haqqında ilkin təəssüratları məhz bu video vasitəsilə əldə etmək mümkündür.

Şəki-Azərbaycan Respublikasında şəhər, Şəki rayonunun inzibati mərkəzi. 4 yanvar 1963-cü ildən respublika tabeli şəhərdir. 1846-cı ilədn 15 fevral 1968-ci ilə qədər "Nuxa" adlanıb. Şəki rayonunun inzibati mərkəzidir. Sovet dövründə respublika tebeliyində olan şəhər statusuna malik idi. Hal-hazırda da Şəki rayonu tərkibində deyil, birbaşa respublika tabeliyindədir. Rayonun icra başçısı Elxan Usubovdur. Sovet dövründə və elə indi də Azərbaycanın ipəkçilik mərkəzi olaraq tanınır. Şəki öz halvası və pitisi ilə məşhurdur, onlardan Əli Əhməd halvası, həmçinin Arı Məmməd pitisi dünyada tanınır. Hər hansı bir şəkilini insanlarının məzəli şivə ilə danışmasına görə dünyanın istənilən nöqtəsində ayırd etmək mümkündür. Xan sarayı, Kiş Aban məbədi, Aşağı və Yuxarı Karvansaray Şəkinin tarixi və əzəmətli məkanlarıdır. Şəki şəhərinin tarixi hissəsi və Şəki Xan Sarayı Ümumdünya İrs Siyahısına daxil edilib. Qədim Şəki İçərişəhər və Qobustandan sonra Azərbaycanın Ümumdünya İrs Siyahısına salınan üçüncü mədəni irs məkanı oldu. Şəkidə dünya standartlarına cavab verən və göz oxşayan Marxal restoranı isə minlərlə turisti, yerli qonaqları rahatlıqla qəbul edir.
Şəki şəhəri respublikanın şimal-qərbində, Kiş çayının sol sahilində, dəniz səviyyəsindən 700 metr yüksəklikdə, paytaxt Bakı şəhərindən 370 km aralıda, Böyük Qafqaz sıra dağlarının cənub ətəklərində yerləşir. Şəhəri əhatə edən təbiət, meşələrlə örtülmüş dağlar öz gözəlliyi ilə insanı valeh edir. Şərqdən Qərbə axan Qurcanaçay çayı şəhəri iki hissəyə, daha yüksəkdə yerləşən Cənub, digəri isə vadidə yerləşən Şimal hissələrinə bölür.
Azərbaycanın Şəki şəhərinin Dünyanın Tarixi Şəhərləri Liqasına üzv olması barədə 2008-ci il dekabrın 8-də təşkilatın prezidenti, Yaponiyanın Kyoto şəhər bələdiyyəsinin sədri Daisaku Kodokavadan gəlmiş təbrik məktubunda bildirilir ki, Dünyanın Tarixi Şəhərləri Liqasının İdarə Heyətinin 2008-ci ilin oktyabrında keçirilmiş iclasında Şəki təşkilata üzv qəbul edilib.
Baş Plana şəhərin qərbə doğru genişlənməsi, Oxud, İnçə, Kİş, Qoxmuq kəndlərinin də şəhər ərazisinə daxil olması nəzərdə tutulub. Şəki Azərbaycanın ən qədim şəhərlərindən biridir. Orta əsrlərə aid mənbələrdə onun adı Şaki, Şəka, Şakki və.s. kimi adlandırılıb. Şəki dəniz səviyyəsindən 500–850 m hündürlükdə yerləşir. Baş Qafqaz silsiləsinin qarlı zirvələrinin yüksəkliyi bəzi yerlərdə 3000-3500 m-ə çatır.
Şəhərdə XVIII əsrə aid Şəki xanlarının evi, Qala divarları, Gileyli məscidinin minarəsi; XVIII-XIX əsrlərə aid Aşağı karvansaray, Yuxarı karvansaray; XIX əsrdən qalan Ağvanlar hamamı var. Rayonda VI əsrə aid "Gavur" qalası; orta əsrlərə aid Qudula qala yeri; Aydınbulaqda Ağcaqala qülləsi; Kiş kəndi yaxınlığında orta əsrlərə aid Kiş məbədi, XV əsrdən qalan "Gələrsən görərsən" qalası qorunur.
Hazırda rayonda 29 sənaye müəssisəsi fəaliyyət göstərir ki, bunların da 21-i kiçik müəssisələrdir. Əhaliyə 38 elektron sistemli ATS və 38 poçt şöbəsi xidmət göstərir ki, bunlardan da 9 ATS və 8 poçt şöbəsi şəhərdə, 29 ATS və 30 poçt şöbəsi kəndlərdədir.
01.01.2017-ci il tarixə Şəki rayonunun əhalisi 184172 nəfərdir. Onlardan 68360 nəfəri şəhər, 115812 nəfəri kənd ərazisində yaşayır. Rayonda 309 şəhid ailələri, 183 Qarabağ Müharibəsi əlilləri, 12 nəfər II Dünya Müharibəsi veteranı var. Rayonun 13 nəfər sakini Azərbaycan Respublikasının Əməkdar Fəxri adına layiq görülüb, 1142 nəfər Prezident Təqaüdçüsüdir. Şəki rayonunda 1764 qaçqın və 4949 məcburi köçkün məskunlaşmışdır. Əmək fəaliyyəti ilə məşğul olanlar 86115 nəfər təşkil edir. Təhsil alanların sayı 29694, təqaüdçülərin sayı 25957 nəfərdir.
Şəhərin tanınmış sakinlərdən heykəltaraş Fuad Əbdürəhmanov, aktyor Lütfəli Abdullayev, yazıçı Mirzə Fətəli Axundov, aktrisa Nuriyyə Əhmədova, bəstəkar Şəfiqə Axundova, şair Bəxtiyar Vahabzadə, mətbuat tədqiqatçısı, jurnalist-pedaqoq Şirməmməd Hüseynov, ədəbiyyatşünas Salman Mümtaz, ictimai-siyasi xadim Fətəli xan Xoyski, kinorejissor Rasim Ocaqov və digərlərini qeyd etmək olar. Cavanşir Quliyev-tanınmış bəstəkar, rəssam Sahib Əhmədovuda Əlavə etmək olar. Hazırda Şəkini Milli Məclisdə 3 deputat təmsil edir: Cavanşir Feyziyev, Əli Məsimli, Vüqar İskəndərov

[turalqdirli]

Meçidleri, kuçəleri ve daglari ile Şuşa ya benzerliyi çoxdur, gözel Şeki

[xelefxelefov]

Şəkinin bu qədər hündürlükdən heç görüntüsünü görməmişdim. Həqiqətən superdir. İzlədim, dəyər

[gulzarmejidova]

Amma. yene Gördüm Şekimi üreyim lap Qeribsedi . Yenede Öz Şeherim, öz Vetenimdi Şekim. Men her ölkede olan Gözellikleri Öz Vetenimçün, öz Şekimçün Arzulayiram. İnşallah 2-3- ilden Allah Qismet elese Gelerem Şekime. Dogmalarimi görmeye. Ata- Anamin, İki Qardaşimin, Yoldaşimin Qebirlerini Ziyaret etmeye geleceminşallah🙏🙏🙏

[MehmetMehmet-cwqu]

Çok güzel bir çekim olmuş emeğine sağlık

[НамигАскеров-юн]

Я ОЧЕНЬ РАД ЧТО ВИЖУ СВАЮ РОДИНУ КАК ОНА ПОХОРОШЕЛА ОНА И РАНЬШЕ БЫЛА КРАСИВАЯ Я ОЧЕНЬЛЮБЛЮ ЭТОТ ГОРОД БЕРЕГИТЕ И НЕ СРАМИТЕ ЭТОТ ПРЕКРАСНЫЙ ГОРОД ЖИВИТЕ И РАДУЙТЕСЬ ЖИВИТЕ СЧАСТЛИВО .АМИН.

[samsungsamshdhjdfjjff]

ŞƏKİNİN GÖZƏLLİYİ ADAMI VALEH EDİR EŞQ OLSUN

[faiqmemmedov]

Bu şəhər mənim xoşuma gələn şəhərrərdən biridi gəncədən şuşadan sora allaha qurvan olum həqqidə çox gözəl şəhərdi

[serdarguzel]

Şəki doğrudan da bənzərsiz gözəl şəhərdir. MaşAllah. Amma İcra başçısı çox heyf bu cür şəhərə laqeyd yanaşır

[samsungsamshdhjdfjjff]

Bircə yollarımızda düzəlsəydi yaxşı olardı.

[gulzarmejidova]

Axi men 2018-ci ilde gelende dediler Teze Bazar tikilecek. Helede o vaxtki köhne Bazar Failiyyet gösterir? Ne gündedi Şekinin Bazari.

[dogruyol]

Köhnə maşınlar dolu Şəki və kəndlərində...marşurutuda bərbad, bərbad...yol ara küçə məhəlləlırdə bərbad....

[samirzizova]

Salam .bakıdan şəkiye neçə saatlığ yoldu ?

[ШахмамедРасулов]

Бу гашанг шahaр гор йоллар не гунддедир бу ичрайа башчысы hара бахыр 50 илин кохна базары Шекида бир дана йенилик йохдур hейифлар олсун пулу дагыдыб йейирлар шеhере бахмырлар мен озум Казахстанда йашайырам ман озум Шекилийам кендде догулмушам.