Das Isch GC (Lyric Video)

Die offizielle GC-Hymne "Das isch GC".

Lyrics:

Wenn de Tag no ganz jung isch, dusse ufem Asphalt
D'Vieri-Tram-Glogge dur die warmi Summerluft hallt
De Hardturm i dim Chopf, 1 Mannschaft i dim Herz
Das isch GC, e Liebi wo ewig währt

A de Hand vo dim Papi, chum hesch chöne laufe
Alli mitenand is schönste Stadion vo de Stadt
Det uf de richtige Site vo de Gleis
Wo s'Träume en Name het und GC Züri heisst

Das isch GC, die ewigi Nummer 1
Das isch GC, i de Stadt und i allne Chreis
Zwei Sterne am ne blauwiisse Himmel über eus
Mir verlönd die Festig nie, blibed dir für immer treu

Ei Liebi im Herze, en Heugümper ufem Libli
E Gschicht vom Erfolg und e Kurve wo debi blibt
Mir folged am Rekordmeister quer dur s'ganze Land
Bi Sunne, Rege oder Schnee mit de Fahne i de Hand

Das isch GC, die ewigi Nummer 1
Das isch GC, i de Stadt und i allne Chreis
Zwei Sterne am ne blauwiisse Himmel über eus
Mir verlönd die Festig nie, blibed dir für immer treu

Und wenns chalt wird und de Winter blast dur d'Stadt
Denn ischs überall warm wo blauwiisses Liecht brennt i de Nacht
S'Stadion isch voll und du bisch nie allei
Das isch euse Hardturm, e Feschtig, es Dihei

GC, die ewigi Nummer 1
Das isch GC, i de Stadt und i allne Chreis
Zwei Sterne am ne blauwiisse Himmel über eus
Mir verlönd die Festig nie, blibed dir für immer treu

[danielschlatter]

I bi sit 1980 by GC. 42 Jahr gschlageni Jahr (meh als Helfti vo mim Läbe!) han i müesse warte, bis GC ändlech ä Hymne het übercho, wo Gänsehut bringt! Jitz nume no ds nöie Stadion, hoffentlich no zu mind Läbzyte…

[allenof]

, ,Ah de Hand vo dim Papi, chum hesch chöne laufe alli mitenand is schönste Stadion vo de Stadt‘‘

So True

[lukasmorf]

Sit 40-Jahr debii. Und jetzt en Song, wo so genial arrangiert isch, dass es scho bim erschte Match eifach enorm zämeschweisst. En grosse Wurf! Aber lönd mer de Nöggi nöd ganz sterbe. Bin mit ihm gross worde.

[Sandrooo]

Sackstarch, was ide letschte 2 Jahr i Sache Markepresänz bi dem Club gmacht wird 👍 vode Musig chamer halte wasmer will, mir passts, aber sicher nöd jedem sin Gschmack. Aber Shoutout a die Lüüt wo di optisch Untermalig vo dem Video gmacht händ! Tolli Bilder 🥰🦗

[slatt]

Uf de richtige Siite vo de Gleis!!!! Sicks lied

[blob]

Am Wuchend alli is Stadion! Weil…. das isch GC, die ewigi Nummer 1!

[marcwyss]

Muess sogar aus YB Fan säge dases ä richtig schöni Hymne isch.
Grüess us Bärn

[danieldiggelmann]

Danke Sky Sun, bester GC Präsident seit Jahrzehnten, mit blau weissem Herz und viel geduld...

[Mushu]

Auge am träne, Gänsehuut isch real

Was für eh geili Hymne

[meinradkeller]

Weltklasse Song und Video - e echti Stadion-Hymne !!

[Michael-uobc]

Chume nöd gnueg über vo dem Lied!!! Absolut perfekt vo A - Z 💙🤍

[claudio]

Richtig geil! GCZ. Eusi Liebi! Mir chömed zrugg ad Spitze, wenn nöd hüt den morn. Danke für die geili Hymne!

[GreatBritishTravels]

Kein GC Fan, aber s Lied isch eu glunge!

[danielvilliger]

WOW was för ne Hymne, Gänsehaut die ewigi Nr. 1

[zhint]

❤GCZ sit ich denke han. die ersti liebi wo ewig währt!

[dennyswuthrich]

I bi zwar yb fan abr ds lied isch würk cool

[yvesroche]

Am Anfang ein Hauch von "An Tagen wie diesen". Hammer!

[danielschlatter]

Wenn i das Bild am Aafang mit Koller u Berbig mit em Meischterpokal gseh, chömme Erinnerige. I süfze u dänke „Was für ne geili Zyt isch das gsy, die 80er und 90er Jahr!“ U denn chunnt dä Song „D‘Nummere 1 i dr Stadt und i jedem Chreis“ und i bi sicher, dass die Zyte wieder cho wärde.

[danielschlatter]

No nachem 10. Mal lose Gänsehuut! 🔵⚪️🔵⚪️

[Ben-nrno]

Puri gänsehaut! S‘datum vo de Veröffentlichung isch au perfekt gwählt worde 🦗🔵⚪️ DANKE TUUSIG