05 Mofo Tantely - Bekoto Mahaleo

Artistes: Mahaleo
Album: 30 Taona
Genre: Folk, World & Country
Sortie: 2002
song list:
1. Fanambadiana
2. Trano Gasy
3. Velo
4. Mpanao Politika
5. Mofo Tantely
6. Aza Manadino Anay
7. Moa Ve
8. Volan-Kakafotra
9. Malagasy Blues
10. Tonga Ny Alina

Hitako omaly ireo zanakao
Tao an-tokotany tao nilalao
Fa nampanataoviny mantsy aho omaly
Nandalondalo saika hamangy

Teo am-bavahady aho no nijoro
Tsy nisy afa-tsy tanam-poo
Hitondra bônbôn ve izaho sa sôkôla
Ho an'ny zanakao mianadahy

Ref: Tsaroako ianao fahiny
Mihinana mofon-tantely
Ity vetsovetso ataoko androany ity
Ho anao ilay tsy lany mamy

Mitovy aminao ikalavavinao
Tahafiny ireo masonao
Matahotra izy nahare varatra
Varatra avy any an-danitra

Ilay lahy kosa maherihery setra
Mitovy taminao naditraditra
Milalao ranon'orana izy dia
Mihirahira aviavia raha orana

Ref(2)

Hitako omaly koa ilay vadinao
Izy angamba mahafinaritra
Niafona aho anefa toy ny mpangalatra
Ny marimarina izaho menatra

Hampanateriko ireo sôkôla
Ho an'ny zanakao mianadahy
Tsy hifanatrika aho tsy handroso
Satria ianareo roa ho ambinin-tsoa

Ref(2)