Τα μαργαρίτας - Θεόφιλος Πουταχίδης (στίχοι-μουσική: Ιωάννης Μάγγος)

#maggos_ioannis #pontiaka #songs #songwriter

Στίχοι: Ιωάννης Μάγγος
Μουσική: Ιωάννης Μάγγος
Ενορχήστρωση: Λάκης Παναγιωτίδης
Λύρα: Θεόφιλος Πουταχίδης
Τραγούδι: Θεόφιλος Πουταχίδης
Έτος κυκλοφορίας: 2018

############################

ΣΤΙΧΟΣ ΣΤΑ ΠΟΝΤΙΑΚΑ
===================
Τα μαργαρίτας
-----------------------
Πόσα δακρόπα,
κι άλλα πόσα ατά τα νύχτας,
ντ' αραεύω σε
'ς ση εγάπ'ς-ι-μ' τα φεγγίτας,
για τεσέν μετρώ
και φτουλίζω μαργαρίτας.

Η εγάπ' τεσόν
έρθεν, έκαψεν το ψόπο μ'
και(ν) ετράνυνε
τη καρδίας-ι-μ' το τερτόπον,
όντες έφυες,
έφυες μικρόν πουλόπο μ'.

Τ' άστρα ερώτεσα,
τον Φέγγον, τον Ουρανόν-ιν,
πού εβρίεται
το κορίτσ' π' έτον τεμόν-ιν,
τη βρούλα να βζήν'
με τη σεβντάς το νερόν-ιν.

----------------------------------------------

ΣΤΙΧΟΣ ΣΤΑ ΝΕΟΕΛΛΗΝΙΚΑ
=======================
Οι μαργαρίτες
-----------------------
Πόσα δάκρυα
και άλλες πόσες αυτές οι νύχτες,
που σε αναζητώ
στης αγάπης μου τους φεγγίτες,
για εσένα μετρώ
και μαδάω μαργαρίτες.

Η αγάπη σου
ήρθε και μου έκαψε την ψυχή
και μεγάλωσε
της καρδιάς μου τον καημό,
όταν έφυγες,
έφυγες μικρό μου πουλάκι.

Τα άστρα ρώτησα,
το φεγγάρι, τον ουρανό,
πού να βρίσκεται
το κορίτσι που ήταν δικό μου,
τη φλόγα να σβήσει
με του έρωτα το νερό…

############################

Περισσότερες πληροφορίες
---------------------------------------------