Mahuru Māori - Kōtiro Māori

Tamatea-kai-ariki te marama e whiti ana!

He hokinga mahara te waiata nei ki te wā i a au e kura ana. I haere tō mātou kapa a Te Kapahaka o Te Kāreti o Pūtaruru ki roto o Ngāti Kahungunu, ki te marae o Mangaroa i te tau 2005. I reira mātou tūtaki ai ki te rangatira rā a Tommy Taurima. I haramai ia ki te mātakitaki i a mātou me ōna waiata e rua. Anei rā ko tētehi o aua waiata hei tangi whakamānawa atu ki a ia, otirā hei whakangahau i a tātou, he whakanui i tō tātou reo, hei hāpai anō hoki i tā tātou kaupapa o te Mahuru Māori.

#TeWikiOTeReoMāori #MahuruMāori #MōTeReo #MeKite #MeRongo #MeKōrero

Ko ngā kupu:

Kōtiro Māori e, taku ripene pai
Ō makawe hoki
ngā ngaru a te tai
Ko tō pare huia
He tohu rangatira e
Ko Rongomaiwahine
O Nukutaurua e.

Rongongia tō ātaahua
E te whenua katoa
Tae atu te kōhimuhimu
Ki a Kahungunu e
Ko wai te wahine e
Whakakapakapa te manawanui?
Ko Rongomaiwahine
O Nukutaurua e

Piki ake, kake ake
Ki Te Māhia e
Ka kitea tana hiahia
Aue Ko Rongomai e.
Haere mai e tama rukuhia
Ngā pāua a Tangaroa e
Mā Rongomaiwahine
O Nukutaurua e.

Nāhau rā Kahungunu
Tangata whakanene
Nā te pāua
I raru ana koe Rongomai e
Maranga mai e hine
Ka haere tāua e
Ki Maramatea
Nō Nukutaurua e.

[jacksonharris]

Mean voice bro, love watching your views, only found you today when I was learning te Aroha anō he wai. Keep these videos coming cuz, mean maori mean

[casshendry]

Ataahua whanaunga. Tino ataahua e hoa.