Түркістан облысындағы спорт кешенінің құрылысы тоқтап қалды

Күш атасы Қажымұқан Мұңайтпасұлының құрметіне салынып жатқан спорт кешенінің құрылысы тоқтап тұр, деп хабарлайды «Хабар 24».

Былтыр ел даңқты балуанның 150 жылдық мерейтойын тойлады. Соның алдында Ордабасыда мемориалдық спорт кешенінің іргетасы қаланған еді. Бірақ құрылыс әріге бармады. Ұлтқа керек дүниенің аяқсыз қалғанына енді көпшілік алаңдап отыр. Темірлан – жауырыны жерге тимеген балуан өмірінің соңғы жылдары өткен, жаны мәңгілікке тыныштық тапқан жер. Соның әсері болса керек бұл ауылдан 100-ден аса спортшы шыққан. Батырдың аңызға бергісіз ерліктерін ел есінде сақтау мақсатында 2020 жылы мұнда Қажымұқан Мұңайтпасұлы атындағы мемориалдық кешеннің іргетасы қаланған болатын. Алайда былтыр батырдың 150 жылдық мерей тойына орай тапсырылуы тиіс кешеннің құрылысы қаржы тапшылығына байланысты орта жолда тоқтап қалды. Бұл бүгін тек ордабасылықтарды ғана емес, тұтас Түркістан өңірінің тұрғындарын толғандырып отыр.

[nur-gotti]

Неге өндіріс завод фабрика салуға ұмтылмаймыз. Бюджетке қарап ауыз аша береміз.құдайға шүкір ауданымызда спортпенен айналысамын деген адамға кешендер жетерлік. Болған жарыстарда көкпарларда талантты жастардың таныс тамыр арқылы сағын сындырып жатқанымыз болмаса .әуелі сол жағымызды түзейік. Түркістанда салынды керуен сарай ағылып жатқан шетелдіктерді көрмедік.бізге керекгі өндіріс ағалар

[АдилбекМаматов-гц]

Бұрынғы 50 жылдық тарихы бар Қажымұқан Мұңайтпасов атындағы дарынды балаларға арналған спорт мектебін жауап жатқанда( 500 бала оқып жатыр қазіргі таңда), мына бітпей тұрған нысанға ақша бөлінуі екі талай сиякты.