Герой Ийэ-Константинова Тамара Герасимовна

Показать описание

Константинова Тамара Герасимовна

Биһиги ийэбит Тамара Герасимовна муус устар 1 күнүгэр 1936 сыллаахха Сунтаар улууһун 2 Дьаархан нэһилиэгэр күн сирин көрбүтэ. Ийэбит дьиэ кэргэҥҥэ улахан оҕолоро, биир балтылаах, икки бырааттаах этэ. Аҕалара Аҕа Дойду сэриитигэр 1941 сыллаахха ыҥырыллан барбыта да төннүбэтэҕэ. Сэрии кэмигэр ийэтигэр көмө киһитэ буолаары оскуолатын быраҕан холкуоска үлэлээбитэ. Кэлин үтүө дьон көмөлөрүнэн кинини оҕо тэрилтэтигэр үлэлэппиттэрэ. Кэлин балыыһаҕа, оскуолаҕа поварынан 30 сыл пенсияҕа тахсыар диэри үлэлээбитэ. 1955 сыллаахха аҕабытынаан Попов Илья Серафимовичтыын холбоһон ыал буолан 11 оҕону төрөтөн, иитэн, улаатыннартаан үлэһит дьон оҥортообуттара. Кинилэр истэригэр медиктар, сибээс, атыы-эргиэн, тыа хаһаайстыбатын үлэһиттэрэ бааллар. Тамара Герасимовна 17 сиэннээх, 20 хос сиэннээх.

Оҕолоро:
1. Попов Илья Ильич 04.01.1956с.
2. Попова Ольга Ильинична 03.12.1956с.
3. Попов Владимир Ильич 03.12. 1958с.
4. Попов Александр Ильич 26.01.1960с.
5. Иванова Тамара Ильинична 15.02.1961с.
6. Слепцова Мария Ильинична 31.10.1963с.
7. Попова Валентина Ильинична 13.11.1964с.
8. Попов Юрий Ильич 26.03.1965с.
9. Назарова Муза Ильинична 19.07.1967с.
10. Попов Виктор Ильич 27.11.1970с.
11. Попова Виктория Ильинична 27.11.1970с.

Тамара Ильинична чугас дьонун ахтыылара.

Биһиги ийэбит Тамара Ильинична 5-с оҕоннон күн сирин көрбүтэ. Аҕабытын кытта Спартак Никифоровичтыын ыал буолан олорбуттара 26 сыл буолла. Бииргэ төрөөбүттэр үспүт, 5 сиэн бэлэхтээтибит. Дьоруой ийэбит, эбээбит Тамара Герасимовнаннан киэн туттабыт, холобур оҥостобут. Ойуурдаах куобах охтубат дииллэринии бары бэйэ-бэйэбитигэр көмөлөсүһэн, өйдөһөн олоробут. Минньигэс ас сыттаах, элбэх үүнээйилээх, кэпсээннээх-ипсээннээх эбээбитин, хос эбээбитин ахтабыт. Кини баарыгар эппит тылынан олохпут суолун сырдатынабыт.

Ахтыыны суруйда сиэнэ Мария Уарова.

Биһиги ийэбит наһаа үлэһит киһи этэ. Асчытынан биллэрэ, аһылыга билигин даҕаны номоххо сылдьар. Аан бастаан нэһилиэккэ оҕурсуу, помидор, сибэкки арааһын, күөх үүнээйини олордоро. Ону утумнаан оҕолоро салҕыы сылдьабыт. Ийэбит айылҕа уларыйарын, кус-хаас, чыычаах кэлэрин кэтиир идэлээҕэ. Элбэх ынах, куурусса, кролик иитэрэ. Элбэх доҕордооҕо, ордук уолаттары кытары тапсара. Кэлин тигииннэн дьарыктаммыта, ковер, диван, устуул сабыыларын тигэрэ, билигин кинини санатан бааллар.

Оҕолоро

Ахтыы

Мин ийэм Татьяна Герасимовна бииргэ төрөөбүт соҕотох эдьийэ буолар. Ийэм кэпсииринэн Тамара 5 саастааҕар, ийэм 4 саастааҕар Аҕа Дойду сэриитин көмүскэлигэр, Герасим Николаевич 1941с. сэриигэ ыҥырыллан барар уонна 1943с. сэрии толоонугар сураҕа суох сүппүт диэн хара сурук кэлэр. Бу кэмтэн ыла сэрии тулаайаҕын кыһалҕалаах, ыарахан олоҕо саҕаланар. Сэрии огдообото ийэлэрэ кэлин Григорьев Алексей Яковлевичка кэргэн тахсан икки уол, биир кыыс оҕолоноллор. Кыыстара Лариса ыарахан ыарыыга ылларан күн сириттэн суох буолар. Ол кэнниттэн ийэлэрэ Мария эрдэ өлөн, Тамара Илья Серафимовичка кэргэн тахсан ыал буолар. Илья Серафимовичтыын иллээхтик, дьоллоохтук олорон 11 оҕону төрөтөн, ааттарын ааттатар элбэх сиэннэрдээхтэр, хос сиэннэрдээхтэр, халыҥ аймахтар. Эдьийбит Тамара Герасимовна амарах дууһалаах, эйэҕэс, элэккэй дьоҥҥо сөбүлэтэр киһи этэ. Мэлдьи минньигэс астаах, итии чэйдээх, элбэх ыалдьыттаах, хонон ааһар хоноһолоох буолара. Сэрии тулаайаҕа, күндү киһибитин Тамара Герасимовнаны күндүтүк саныыбыт.

Ахтыыны суруйда Лидия Николаевна Николаева