KAPUSO MO JESSICA SOHO | LALAKI SA QUEZON, WALONG TAON NANG NAKAKADENA! KELAN KAYA SIYA LALAYA❓

LALAKI SA QUEZON, WALONG TAON NANG NAKAKADENA! MAY PAG-ASA PA KAYA SIYANG TULUYANG LUMAYA?

“Suma-sideline siya sa maisan dati. Para daw po makabili kami ng bigas at pang-ulam.

Pero nu’ng umuwi siya, nag-iba na siya.

Umuwi siyang takot na takot. May papatay raw sa kanya!

Nagsuot siya sa ilalim ng lababo at ayaw niyang lumabas.

Simula noon, lagi na siyang nagwawala.

Nasasaktan niya na ‘yung mga tao sa bahay.

‘Yung kapatid niya, minsan niyang hinabol ng taga.

‘Yung tatay niyang na-stroke, minsan niya nang sinakal!

Kaya napilitan na po kaming ikadena siya.

Sobrang sakit po.

Awang-awa ako sa kanya.

Pero wala po kaming magawa.

Wala naman po kaming pinansyal na kakayanang mapatingnan siya.

Kapag nililinisan ko siya, madalas niya akong sinusuntok.

Pero kahit anong pananakit niya sa akin, kinakaya ko.

Tinitiis ko na lang.

Anak ko kasi siya. Mahal na mahal ko kasi siya.

Sana po gumaling na ang anak ko.”

-Eleanor
nanay ni “Miguel”

#KMJS
#kapusomojessicasoho
#kapusomojessicasoholatestepisode