DD News Mizoram Chanchinthar | 8 April 2025 | 6:30 PM

Показать описание

Local Headlines :

1. Mizoram Larsap, General Vijay Kumar Singh chuan NCC chu khawtlang mamawh mihring tha zawk chherchhuaktu a ni tih vawiina Govt. T. Romana College NCC hlawhtlin lawmna hun a hmanpuina ah a sawi.

2. Chief Minister Pu Lalduhoma chuan Narcotics Control Bureau Director General, Anurag Garg kawmin, Mizoram paltlanga ruihhlo tawlhruk hmachhawn dan tur a sawipui.

3. Chief Minister Pu Lalduhoma chuan a Pisa ah IFAD Design team te kawmin, Mizorama FOCUS 2.0 kalpui dan tur an ruahmanna te a enpui.

4. PWD Minister Pu Vanlalhlana chuan Siaha leh Lawngtlai District chhung kawng sial hna thawh mek leh kawngpui dinhmun te a enfiah.

5. Cooperation Minister Pu PC. Vanlalruata chuan Cooperative Movement hmangin state tih hmasawn theih a ni tih vawiina Cooperation Department Golden Jubilee lawmna inkhawm Aizawla neih a hmanpuina ah a sawi.

6. Nu leh naupang hriselna ngai pawimawh tur a inzirtirna ‘7th Edition of Poshan Pakhwada’ chu Mizoram pum a hman tan turin vawiin khan Chief Secretary, Khilli Ram Meena chuan Aizawlah a tlangzarh.

7. Tunlaia Manipur Churachandpur-a 'Ui a' hrileng chungchangah Animal Husbandry & Veterinary Department chuan ui vulh tute fimkhur lehzual a tul thu leh ui a hri danna, Rabies vaccine laktir vek turin an chah.

8. Mizorama sawrkar hnathawk inzawmkhawm pawl, Federation of Mizoram Government Employees & Workers (FMGE&W) ten Mizoram Universal Healthcare Scheme chu sorkar hnathawkte huamtir rih lo tura sorkar nawr chhunzawm an rel.

9. Chakma-ten kût an neih zinga an ngaihhlut ber Bizu Miloni puala infiamna chi hrang hrang buatsaih tur chu West Tuipui bialtu MLA Pi Prova Chakma-in nimin khan Tlabung Sub-Division huamchhung Nunsury-ah a hawng.

10. Central YMA Kumpuan Committee chuan, eirawngbawlna Gas tihchingpen a awm leh awm loh uluk lehzualin an endik mek.

National Headlines :

1. President Droupadi Murmu chu Portugal khawpui Lisbonah chawimawina ropui tak “Key of Honour” hlan a ni.

2. Prime Minister Narendra Modi leh chu Dubai Crown Prince, Deputy Prime Minister leh Minister of Defence, Sheikh Hamdan Bin Mohammed Al Maktoum te New Delhi-ah an kawm.

3. India leh Israel chuan ram pahnihte thlawhhma lak lama thawhdunna chungchangah inremna an ziak.

4. UN High Commissioner for Human Rights Volker Türk chuan March ni 28-a Mynamar-a magnitude 7.7-a lirnghing a thlen hnua sipai hnathawh zawng zawng titawpa lirnghing vanga chhiatna tawkte tanpuina ngaihtuah zawk turin a ngen.

5. Prime Minister Narendra Modi chuan Pradhan Mantri Mudra Yojana scheme hnuaia hamthatna dawngtute chu a lawmpui thu a sawi.

6. Hnam lam a thiam avanga Padma Shri Award dawngtu Ram Sahay Pandey chu hun rei tak a damloh hnuah tukin zing khan Madhya Pradesh-a Sagar hospital-ah kum 92 mi niin a thi.

7. Union Home Minister Amit Shah chuan nimin tlai khan Srinagar thlengin ram tana nunna chante zahna chibai a buk.

Follow DD Mizoram: