PINILI KA NG DIYOS | MGA GAWA 22:1-16 RTPV05

Akala natin noon tayo ang gagawa ng kwento ng buhay natin, kung ano ang gustuhin natin ay siyang mangyayari. PERO MARAMI TAYONG GINUSTO ANG HINDI NANGYARI AT MARAMI DIN TAYONG GINUSTO NA HINDI MAGANDA ANG NAGING RESULTA. In fact ang sangkatauhan ay walang contentment, gawa nang gawa ng paraan na makuha ang mga nais pero SA HULI WALA PARING KALIGAYAHANG MAITUTURING NA GANAP.
Ito pala ang katotohanan, ANG DIYOS ANG MAYLIKHA SA ATIN AT MAYROON SIYANG PLINANO PARA SA BAWAT ISA. Ang Kanyang pagtawag at pagpili sa mga magiging Kanya ay hindi kayang maarok ng ating kaisipan. Basta ang ating panghahawakan ay ang Kanyang karakter: SIYA AY MABUTI AT MAKATARUNGAN, WALA SIYANG BAHID NA PANLILINLANG, KASINUNGALINGAN O ANUMANG KASAMAAN.
Tapat Siya sa Kanyang mga pinili, at ipinapakilala Niya ang Kanyang sarili sa mga sa Kanya ay sumusunod at nagpapakumbaba. Kaya nga KUNG NARIRINIG MO ANG KANYANG SALITA, IKAW AY TINAWAG AT PINILI para tumanggap ng kanyang pagpapala, HUWAG NATING BALEWALAIN ANG KANYANG TINIG, PINILI KA UPANG SIYA AY IYONG SAMBAHIN.