Nəzrin FAMU-da (Ali təhsilim üçün Kraudfandinq kampaniyası)

Salam! Mənim adım Nəzrin Ağamalıyevadır. Uşaqlıq vaxtından rəsmlə məşğulam. 16 yaşından qrafik dizayner kimi çalışıram. 2020-ci ildə ANİMAFİLM festivalın direktoru Rəşid Ağamalıyev ilə birlikdə ANİMAFİLM School adlı animasiya məktəbini yaratmışıq və indiyə qədər dörd animasiya kursu təşkil etmişik. Kursların müəllimləri yerli və xarici animasiya üzrə peşəkarlardır. Festivalımızın və məktəbimizin əsas məqsədlərindən biri Azərbaycanda animasiya təhsilini inkişaf etdirməkdir.

Öz təhsilimi davam etdirmək üçün və Azərbaycan animasiyasına daha çox töhfələr vermək üçün xarici ölkəyə üz tutdum. Çexiya Respubliksasının paytaxtı Praqada yerləşən Səhnə Sənətləri Akademiyasının Kino və Televiziya fakültəsinin “Academy Preparation Program – Animation” adlı bir illik intensiv animasiya proqramına qəbul olundum.

Təəssüf hissi ilə qeyd etmək istəyirəm ki, FAMU-nun təhsil xərcini ailəm qarşılaya bilmir. Bu səbəbdən Sizə müraciət edirəm! Yolumu OSCAR mükafatına qədər görürəm! Əgər Siz bu yolda mənə dəstək olsanız, çox minnətdar olaram!