Top News - Autori i masakrës në Serbi adhurues i Hitlerit/ Djali i ushtarakut që vrau 8 persona

Shoqëria në Serbi është tronditur pas dy sulmeve vdekjeprurëse të armatosura në dy ditë. Vrasësi 21-vjeçar Uros Blazic u arrestua pranë Kragujevcit nga forcat speciale pas një gjuetie gjatë natës.

Ai vrau të paktën 8 persona në tre fshatra në zonën e gjerë të Mlladenovcit, ndërsa të lënduarit janë 13.

21-vjeçari, djali i një ushtaraku, ka qenë i armatosur rëndë dhe i ka marrw jetwn viktimave me një kallashnikov, teksa drejtonte makinën e tij (Mercedes).

Ai dyshohet se sulmin e tij e filloi pas një debati që pati me një oficer policie në një park në fshatin Dubona të Beogradit. Më pasi ai qëlloi disa fëmijë në oborrin e nëj shkolle, dhe mori makinën për tyë shkuar në fshatin tjetër ku qëlloi dhjetëra persona që ishin mbledhur për një piknik. Më pas vazhdoi marshimin drejt një pozicioni tjetër, ku pasi doli nga vetura qëlloi katër persona që po rregullonin gardhin në oborr.
Sipas mediave serbe, atij iu gjetën armë të tjera, si dhe katër granata në shtëpinë ku ishte strehuar në fshatin Vinishte.

Forcat speciale serbe kanë publikuar një foto menjëherë pas arrestimit të vrasësit 21-vjeçar. Siç mund ta shihni edhe në foto, vrasësi 21-vjeçar kishte veshur një këmishë me simbolin nazist. Bluza mbante mbishkrimin shkruhej "Gjenerata 88 në turne", me 88 që qëndron për "Heil Hitler".

Siç dihet, në qarqet neo-naziste numri 88 është kodi i përdorur në vend të shkronjave HH që i referohen shprehjes "Heil Hitler". H është shkronja e tetë e alfabetit gjerman.

Bluza ka hartën e vendeve që kishin regjime naziste dhe fashiste (Gjermani, Itali, Spanjë).

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#TopNews#Masakra#Serbi