Mən Azərbaycanlıyam milli-bilik yarışması 18.05.2021

Показать описание

"MƏN AZƏRBAYCANLIYAM" - intellektual oyun hər həftənin çərşənbə axşamı saat 21:30-də AZTV kanalında yayımlanır.
10 mövsümdür ki, “Mən Azərbaycanlıyam “milli bilik yarışması efirdədir.

Xatırladaq ki, 2013-cü ildə yarışma Universitetlər arası, 2015-ci ildə isə Respublika Çempionatı keçirilmişdir. Bölgə gənclərimizin çoxsaylı istəklərini nəzərə alaraq, 2017-ci ildə də ikinci Respublika Çempionatı keçirildi.

"Mən azərbaycanlıyam" intellektual telelayihəsi birbaşa Azərbaycanın tərənnümünə həsr edilmiş ilk milli televiziya oyunudur. Məhz bu xüsusiyyəti ilə o sələflərindən, yəni bu vaxtadək yerli teleməkanda izlədiyimiz analoji teleproqramlardan kifayət qədər fərqlənir.
Layihəni ərsəyə gətirən kollektivin başlıca məqsədi doğma vətənimiz Azərbaycanı daha yaxından tanımaqda və tanıtmaqda yardımçı olmaq və bununla hamımızı fəxrlə "Mən azərbaycanlıyam!" deməyə səsləməkdir.
Təbii ki, qədim tarixi, zəngin mədəni irsi, əlverişli coğrafi şəraiti olan , yeraltı və yerüstü sərvətlərlə zəngin Azərbaycanımızı daha çox sevə bilmək üçün, onu daha çox təbliğ və tərənnüm etməyə dəyər!
Bu üzdən də bizim bilik yarışmasında istifadə edilən bütün suallar, səsləndirilən faktlar bu və ya digər dərəcədə Şanlı Odlar Yurdumuzla əlaqəlidir.
Yaradıcı qrup layihənin ideyasının dəstəklənməsində və ərsəyə gəlməsində zərrə qədər belə xidməti olmuş hər kəsə dərin minnətdarlığını bildirir.

Sosial Media Hesaplarımız;