Top Channel/ “Në kuadër të dashurisë”! Shfaqet me sukses premiera e prodhimit të Top Channel Films

Premiera e filmit “Në kuadër të dashurisë”, i pari prodhim i Top Channel Films, u shfaq në pallatin e Kongreseve mbrëmjen e të hënës.

Filmi me protagonist kryesor, Luiz Ejllin dhe Olta Gixharin u prit mes emocioneve të shumta, ku një numër i madh njerëzish iu bashkuan pritjes në tapetin e kuq, aty ku yjet e kësaj premiere parakaluan njëri pas tjetrit, ndërsa bënë edhe fotografi me fansat e tyre.

E para që parakaloi në tapet ishte Sara Hoxha e cila në këtë komedi luan rolin e Arias, një surpizë duhet thënë e këtij filmi me interpretimin e saj. Dy aktorët protagonist të kësaj premiere ishin ata që mbyllën këtë pritje madhështore.

Fillimisht ajo që parakaloi në tapetin e kuq ishte Olta Gixhari, e cila theksoi se me këtë prodhim Top Channel ka nisur një etapë të re.

I fundit por jo më pak i rëndësishmi ishte Luiz Ejlli. Ai nënvizoi se ky film i përket publikut.

Në prezantimin e parë për publikun producenti Ledion Liço theksoi mbështetjen e marrë nga Top Channel për realizimin e ëndrrave dhe bërjen realitet të këtij projekti të madh. Dhe këtu ai ka të drejtë, sepse nuk ishte vetëm filmi i tyre. Ishte filmi i Ndriçim Xhepës, Zamira Kitës, Luan Jahas, Ylber Bardhit, Olta Dakut, Sara Hoxhës, Roerd Toçes, Klodiana Kecos, Dea Mishelit, Besmir Bitrakut etj.

Ndaj publiku nuk duhet ta humbasë filmin “Në kuadër të dashurisë” mbi të gjitha, për larminë e karaktereve, për skenarin, humorin fin, satirën dhe sidomos për artin e komedisë.

Ashtu siç pritej filmi pretoi shumë të qeshura.

Ndërkohë projekte të tjera pritet të realizohen nga Top Channel Films.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#Nëkuadërtëdashurisë#TopChannelFilms#TopChannelNews