Top News - Twitter dhe Facebook/ Etiketojnë postimet e Trump

Twitteri ka fshehur dhe etiketuar një pretendim të Donald Trump në të cilin ai thotë se kundërshtarët e tij po përpiqen të manipulojnë zgjedhjet. Ai po ahstu ka kufizuar aftësinë e përdoruesve të pëlqejnë dhe ti përgjigjen postimit. Ndërkohë që platforma nuk ka ndërhyrë ndaj asnjë postimi të Biden. Facebook ndërkohë, ka shtuar një fusnotë që sinjalizon domosdoshmërinë e kontrollit të fakteve për një mesazh identik të postuar në platformë por nuk ka ndërmarrë hapa të mëtejshëm. Facebook ka shtuar në mënyrë automatike edhe etiketime për të gjithë postimet e fundit në llogaritë e trump dhe joe biden. Ai informon lexuesit se votat ende po numërohen dhe se fituesi i zgjedhjeve presidenciale në shba nuk është shpallur ende. Facebook tha se kishte aktivizuar po ashtu një mekanizëm që vendos një njoftim në krye të faqes për përdoruesit amerikanë, ku shpjegon se zgjedhjet nuk janë vendosur ende.
“Pasi presidenti trump nisi të bënte pretendime të pamatura për fitore, ne filluam të vendosnim njoftimet në facebook dhe instagram që të informonim se votat vazhdonin të numëroheshin dhe se një fitues nuk është shpallur ende”, tha platforma.

Pamje: AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#Facebook#Twitter#TopChannel