Saqqaarpaa 24.05.2011

Maaji aallartilaarpoq, sisoraatinillu sangusaartartut upernaarsiorujoorlutik sisorartarfimminni silami neqinik siaasaanialeqaat, nerisassallu utaqqiisaa meeqqat inersimasullu imminnut aliikkusersorput, massa ilaat sisoraarujoortut. Timersoqatigiiffik SAK ukioq manna 60-inngortorsiorpoq, ingerlatsisullu aprilip naanerani Amerdlok'-mi kaffillermata isertut ilagaat 1974-imi nunatsinni isikkamik arsaannermi pissartanngoqataasimasut ilaat, eqqaamasalikkersaatsiarporlu. Sila kiannerulaalereermat imaq qajartorfissanngulerpoq, taamaammallu Qajaq Sisimiut siulersuisui ilaasortaallu aasamut pikilereerput, nunatsinnimi Qaannat Unammersuarnerat aasaru Sisimiuni ingerlanneqartussaq aaqqissuisuuffiginiarpaat.