Top News - Unë di më shumë për ty se gruaja jote! Trump kërcënon rivalin: Mos guxo për president

Ish presidenti amerikan, Donald Trump, ka njoftuar tashmë mbështetësit e tij se do të japë më 15 nëntor, një lajm të madh, duke iu referuar qartazi kandidaturës së pritshme të tij për president në 2024-ën. Dhe aq i etur është ai për një rikthim në shtëpinë e bardhë, sa që nuk sheh se kush i del përpara. Ai madje, ka paralajmëruar edhe kolegun e tij republikan, guvernatorin e rizgjedhur të Floridës, Ron DeStantis, që të mos kandidojë për president në 2024-ën pasi kjo do të dëmtonte partinë republikane. Madje trump ka kërcënuar se do të publikojë informacione jo të këndshme për 44 vjecarin por nuk ka dhënë më shumë detaje. DeSantis shënoi një fitore bindëse në zgjedhjet e mesit të mandatit, këtë të martë, duke dëshmuar popullaritetin e madh që ai gëzon në florida e duke ndezur akoma më tej zërat se ai do të nisë fushatën për presidencialet. Por kjo nuk shihet aspak mirë nga Trump.
"Unë nuk e di nëse ai po kandidon. Mendoj se nëse ai kandidon, ai mund të dëmtojë veten shumë keq. Unë nuk mendoj se kjo do të ishte dicka e mirë për partinë," tha Trump. “Unë di më shumë për të se kushdo tjetër, madje edhe më shumë se gruaja e tij”, shtoi trump që sidoqoftë e përshkroi më pas kundërshtarin e mundshëm si një djalë të mirë.
DeSantis është i sapoardhur në politikë, por mori një profil të lartë, në shkallë kombëtare, pasi u bë guvernator i Floridas në 2019-ën.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#TopNews#Trump#Deklarata

[arbenpali]

Figur e lartë dhe person me vlera të mëdha zoti Trump.🇺🇸🇺🇸🇺🇸✌️.