Kublihan

Takot at pangamba marahil ang nararamdaman natin sa mga panahong ito. Walang katiyakan kung kailan ito matatapos, at marami sa atin ang balisa at nagtatanong kung paano sila makakakain ng kanilang pamilya, o kung paano nila matutustusan ang kanilang mga pangangailangan. Kahit tila tahimik ang mga lansangan sa ngayon ay maingay pa rin ang kalooban dahil sa hindi pagkakaunawaan at kawalang-katiyakan.

Ngayong mga Mahal na Araw, inaanyayahan tayong gunitain ang pag-aalay ni Hesus ng kanyang sarili sa katahimikan ng ating pagkukubli sa ating mga tahanan. Alalahanin natin na may magpapatahan sa ating pagkabalisa, at ipagsasanggalang tayo sa lahat ng masama. Dahil sa pag-aalay ni Hesus ng kanyang sarili, buhay ang ating paniniwala na walang sakit, walang salot, at walang kahit ano pa man ang makapaghihiwalay sa atin sa pag-ibig ng Diyos, na siya nating tahanan at kublihan.

--
"Kublihan"
Glory & Praise
Hangad
Himig at titik: Natthan Dublin
Pagsasaayos: Nicky Reyes

#HomeWithHangad
#hangad2020