Bland í poka - Litla kisa

Bland í poka í Stúdíó 12 Rúv 27. september 2019.

Litla kisa - Snorri Helgason

Bland í poka er safn nýrra barnalaga eftir Snorra Helgason. Platan hefur að geyma 10 lög flutt af Snorra og hljómsveit hans ásamt úrvalaliði gestasöngvara m.a. Sögu Garðarsdóttur, Valdimar Guðmundssyni, Hugleiki Dagssyni, Halldóru Geirharðsdóttur, Katrínu Halldóru Sigurðardóttur og Teiti Magnússyni.

Teiknarinn Elín Elísabet Einarsdóttir hefur gert teikningar við öll lögin á plötunni sem munu fylgja útgáfunni ásamt textum og gítarhljómum í lítilli bók sem hönnuðurinn Bobby Breiðholt setur upp.
Fólk getur valið hvort það kaupi bókina með eða án geisladisks þannig að ef þú og fjölskyldan þín hlustið aðalega á tónlist í óefnislegu formi t.d. á Spotify þá getur þú fjárfest í þessari eigulegu bók og notið þess að blaða í henni á meðan hlustað er á tónlistina.

Lög og textar eftir Snorra Helgason nema Litla kisa (lag: Caetano Veloso, texti: Snorri Helgason), Lilla gumman (lag: Snorri Helgason & Hugleikur Dagsson, texti Hugleikur Dagsson) og (Það er orðið) Framorðið: Lag og texti: Snorri Helgason & Sandra Barilli).

Hljómsveitina Bland í poka skipa: Daníel Friðrik Böðvarsson á rafgítar, Daði Birgisson á píanó og hljómborð, Guðmundur Óskar Guðmundsson á bassa og bakraddir Magnús Trygvason Eliassen á trommur og slagverk og Snorri Helgason á kassagítar og söng.
Blástursútsetningar voru í höndum Samúels Jóns Samúelssonar og blásturssveitina skipa þeir Óskar Guðjónsson, Kjartan Hákonarson ásamt Samúel.
Grunnupptökur fóru fram í stúdíó Masterkey í byrjun október 2018 undir handleiðslu Sturlu Mio Þórissonar. Guðmundur Óskar stjórnaði upptökum í Studíó Sjampó sem fóru fram á tímabilinu janúar- október 2019.