Η ΖΩΗ ΕΝ ΤΑΦΩ

Ορχηστρική απόδοση του Επιτάφιου Θρήνου της Μεγάλης Παρασκευής (Ὁ Ἐπιτάφιος Θρῆνος εἰς τόν Κύριον ἡμῶν Ἰησοῦν Χριστόν - ΣΤΑΣΙΣ ΠΡΩΤΗ - Ἦχος πλ. α’.)

Ενορχήστρωση: Βασίλης Κωστούλας

Ἡ ζωή ἐν τάφῳ, κατετέθης Χριστέ, καί Ἀγγέλων στρατιαί ἐξεπλήττοντο, συγκατάβασιν δοξάζουσαι τήν σήν.
Ἡ ζωή πῶς θνήσκεις; Πῶς καί τάφῳ οἰκεῖς; Τοῦ θανάτου τό βασίλειον λύεις δέ, καί τοῦ ᾍδου τούς νεκρούς ἐξανιστᾷς.
Μεγαλύνομέν σε, Ἰησοῦ Βασιλεῦ, καί τιμῶμεν τήν ταφήν καί τά πάθη σου, δι’ ὧν ἔσωσας ἡμᾶς ἐκ τῆς φθορᾶς.
Μέτρα γῆς ὁ στήσας, ἐν σμικρῷ κατοικεῖς, Ἰησοῦ παμβασιλεῦ, τάφῳ σήμερον, ἐκ μνημάτων τούς θανόντας ἀνιστῶν.
Ἰησοῦ Χριστέ μου, Βασιλεῦ τοῦ παντός, τί ζητῶν τοῖς ἐν τῷ ᾍδῃ ἐλήλυθας; ἤ τό γένος ἀπολῦσαι τῶν βροτῶν;
Ὁ δεσπότης πάντων, καθορᾶται νεκρός, καί ἐν μνήματι καινῷ κατατίθεται, ὁ κενώσας τά μνημεῖα τῶν νεκρῶν.
Ἡ ζωή ἐν τάφῳ, κατετέθης Χριστέ, καί θανάτῳ σου τόν θάνατον ὤλεσας καί ἐπήγασας τῷ κόσμῳ τήν ζωήν.
Ἀπορεῖ καί φύσις, νοερά καί πληθύς, ἡ ἀσώματος Χριστέ, τό μυστήριον, τῆς ἀφράστου καί ἀρρήτου σου ταφῆς.
Σοῦ τεθέντος τάφῳ, πλαστουργέντα Χριστέ, τά τοῦ ᾍδου ἐσαλεύθη θεμέλια, καί μνημεῖα ἠνεῴχθη τῶν βροτῶν.
Ὁ τήν γῆν κατέχων, τῇ δρακί νεκρωθείς, σαρκικῶς ὑπό τῆς γῆς νῦν συνέχεται, τούς νεκρούς λυτρῶν τῆς ᾍδου συνοχῆς.
Ἐκ φθορᾶς ἀνέβης, ἡ ζωή μου Σωτήρ, σοῦ θανόντος καί νεκροῖς προσφοιτήσαντος, καί συνθλάσαντος τοῦ ᾍδου τούς μοχλούς.
Ἐν καινῷ μνημείῳ, κατετέθης Χριστέ, καί τήν φύσιν τῶν βροτῶν ἀνεκαίνισας, ἀναστάς θεοπρεπῶς ἐκ τῶν νεκρῶν.
Ὡς βροτός μέν θνῄσκεις, ἑκουσίως, Σωτήρ, ὡς Θεός δέ τούς θνητούς ἐξανέστησας, ἐκ μνημάτων καί βυθοῦ ἁμαρτιῶν.
Ὥσπερ σίτου κόκκος, ὑποδύς κόλπους γῆς, τόν πολύχουν ἀποδέδωκας ἄσταχυν, ἀναστήσας τούς βροτούς τούς ἐξ Ἀδάμ.
Ἡ ζωή τοῦ τάφου, γευσαμένη Χριστός, ἐκ θανάτου τούς βροτούς ἠλευθέρωσε, καί τοῖς πᾶσι νῦν δωρεῖται τήν ζωήν.
Νεκρωθέντα πάλαι, τόν Ἀδάμ φθονερῶς ἐπανάγεις πρός ζωήν τῄ νεκρώσει σου, νέος Σῶτερ ἐν σαρκί φανείς Ἀδάμ.
Ὑψωθείς ἐν ξύλῳ, καί τούς ζῶντας βροτούς, συνυψοῖς· ὑπό τήν γῆν δέ γενόμενος, τούς κειμένους ὑπ’ αὐτήν ἐξανιστᾷς.
Ὑπό γῆν βουλήσει κατελθών ὡς θνητός, ἐπανάγεις ἀπό γῆς πρός οὐράνια τούς ἐκεῖθεν πεπτωκότας Ἰησοῦ.
Κἄν νεκρός ὡράθης, ἀλλά ζῶν ὡς Θεός, νεκρωθέντας τούς βροτούς ἀνεζώωσας, τόν ἐμόν ἀπονεκρώσας νεκρωτήν.
Ὤ χαρᾶς ἐκείνης! Ὤ πολλῆς ἡδονῆς! Ἰησοῦς ἧς περ τούς ἐν ᾍδῃ πεπλήρωκας, ἐν πύθμεσι φῶς ἀστράψας ζοφεροῖς.
Κἄν ἐνθάπτῃ τάφῳ, κἄν εἰς ᾍδου μολῇς, ἀλλά, Σῶτερ, καί τούς τάφους ἐκένωσας, καί τόν ᾍδην ἀπεγύμνωσας, Χριστέ.
Ἑκουσίως Σῶτερ, κατελθών ὑπό γῆν, νεκρωθέντας τούς βροτούς ἀνεζώωσας, καί ἀνήγαγες ἐν δόξῃ πατρικῇ.
Ὑπακούσας Λόγε, τῷ ἰδίῳ Πατρί, μέχρις ᾍδου τοῦ δεινοῦ καταβέβηκας καί ἀνέστησας τό γένος τῶν βροτῶν.
Θέλων ὤφθης Λόγε, ἐν τῷ τάφῳ νεκρός, ἀλλά ζῇς καί τούς βροτούς, ὡς προείρηκας, ἀναστάσει σου, Σωτήρ μου, ἐγερεῖς.

🔵 FACEBOOK

🔴YOUTUBE

© Vassilis Kostoulas

#orthodox #christ #ΕΠΙΤΑΦΙΟΣ

[nantnant]

Καλή Ανάσταση σε όλους! Χρόνια πολλά!!! Ζει Κύριος ο Θεός μας!!! IC XC NIKA !!!

[stampoulikalliopi]

Καλή Ανάσταση σε όλους!!!Κύριε Κοστούλα σας ευχαριστώ πολύ για την πολύ ωραία δουλειά που κάνατε!!Καλή Ανάσταση σας εύχομαι σε εσάς και στους δικούς σας ανθρώπους!!!!Η Παναγία μας και ο Χριστός μας να είναι πάντα μαζί σας!!!!

[orthodoxiaortho]

Πω πω..τέλεια δουλειά!
Ευχαριστώ!
Είμαι σε κοβιτ και τούτο ήταν ο, τι έπρεπε!το συλλέγω, το κοινοποίησα στο φ.μ popi ortho.
Θαυμάσια!! Και άλλα τέτοια!
Καλή Ανάσταση με υγεία!
Πηνελόπη!💜

[dimitris]

-
Ἡ δὲ Πάναγνος Θεοτόκος θρηνωδοῦσα ἔλεγε· πῶς νὰ μὴ σὲ κλαύσω Γλυκύτατέ μου Υἱέ; θεωροῦσα σε ἀδίκως θνήξαντα; ἢ πῶς νὰ ζήσω χωρὶς σοῦ φῶς μου Γλυκύτατον; οἴμοι οἴμοι· ποῦ ἡ ἐξουσία σου Υἱέ μου παμφίλτατε; πῶς ὑπέμεινας ταύτην τὴν ἄδικον σφαγήν; πῶς οὐκ ἀπέστειλας πῦρ ἀπὸ τοῦ Οὐρανοῦ εἰς τὸ κατακαῦσαι τοὺς ἀχαρίστους Ἰουδαίους; καὶ γἀρ θνητὸς φαίνῃ διὰ τὴν τῶν βροτῶν σωτηρίαν· ἀλλ’ Οὐρανοῦ καὶ Γῆς Ποιητὴς εἶ· πῶς οὐ κατεσχίσθη ὁ Οὐρανὸς βλέπων ταῦτα; Ἀλλ’ εὐχαριστῶ Υἱέ μου τῷ Ἡλίῳ σου ὅτι ἠμαυρώθη, καὶ τῇ Γῇ ὅτι ἐσείσθη καὶ ἐφοβήθη, καὶ ταῖς πέτραις ὅτι ἐσχίσθησαν καὶ ἐρράγησαν, ἰδόντες τὴν ἀνομίαν τῶν κακίστων Ἰουδαίων· ἢ πῶς νὰ μὴ σὲ θρηνήσω Υἱέ μου; καὶ πῶς τὸ ἐμὸν πρόσωπον οὐ μὴ σπαράξω τοῖς ὄνυξιν; ἀλλὰ τοῦτο Υἱέ μου ἐστὶν ἐκεῖνο ὅπερ Συμεὼν ὁ προφήτης εἶπέ μοι ὅταν τεσσαρακονθήμερον βρέφος ἤγαγόν σε ἐν τῷ Ναῷ· αὔτη ἐστὶν ἡ ρομφαία, ἥτις νῦν κατὰ τῆς καρδίας μου εἰσῆλθε· τίς τὰ ἐμὰ δάκρυα Υἱέ μου καταπαύσῃ; ὄντως οὐδείς, εἰ μὴ σύ, ἐὰν καθὼς εἶπας ἀναστῇς τῇ τρίτῃ ἡμέρᾳ.
Ἡ δὲ Μαρία ἡ Μαγδαληνή, κλαίουσα καὶ αὔτη, οὕτως ἔλεγεν· ἀκούσατε λαοὶ φυλαὶ καὶ γλῶσσαι, καὶ μάθετε ποίῳ θανάτῳ οἱ παράνομοι καἰ ἀχάριστοι Ἰουδαίοι τὸν Χριστὸν κατεδίκασαν, τὸν μύρια ἀγαθὰ αὐτοῖς πεποιηκότα· ἀκούσατε καὶ θαυμάσατε· τίς ἀκουστὰ ποιήσει ταῦτα πρὸς τὸν Κόσμον ἅπαντα; ἀλλ’ ἐγὼ μόνη εἰς Ρώμην ἀπελεύσομαι πρὸς τὸν Καίσαρα, ἵνα ἀναγγείλω αὐτῷ ὅσα ὁ Πιλάτος τῷ Ἰησοῦ πεποίηκε, πειθόμενος τῇ κακίστῃ βουλῇ τῶν παρανόμων Ἰουδαίων.
Πρὸς ταῦτα καὶ ὁ Ἰωσὴφ ὀδυρόμενος ἔλεγεν· οἴμοι οἴμοι γλυκύτατε Ἰησοῦ· πῶς σὲ κηδεύσω Θεέ μου; ἢ πῶς σὲ ἐνταφιάσω φιλάνθρωπε; Ταῦτα καὶ ἄλλα πολλὰ λαλοῦντος τοῦ Ἰωσήφ, συνεθρήνουν μετ’ αὐτοῦ καὶ αἱ γυναῖκες σὺν τῷ Ἰωάννῃ.